حوار ساخن بين آدم و حواء ....

[مارد المصباح]

حقويه ماكلينها
يمكن قصدها أن كله مشادات يعني حتى لو كانت ودية #حرب_باردة
بس هل شي يعني أشوفه طبيعي... هني عندي موضوع #إبليس
للبنات: لو كان زوجش (المستقبلي إذا مو متزوجة) دائمًا يتفلسف ويعني عنيد وفقيل راس ، بتفكرين في الطلاق؟
للشباب: لو زوجتك(المستقبلية إذا مو متزوج) لباية كله تنق ما تعرف تسكت "بالعة ريدو" وكله إنتقادات ليش جدي ووين الشسمة ومتى.؟ تفكر تطلقها؟

* أي شي مو مذكور في السؤال سو ليه assume

ما اعتقد ان مشكلة مثل هذه تستحق انها توصل الى "فكرة" الطلاق

اعتقد بامكاني اغير من شخصيتها تدريجيا ،واخليها تترك العادات السلبية في نظري -التصرفات الا ما احبها-

المسالة تحتاج فن وصبر وارادة ،بس ما في شيء مستحيل
​

 

[المهندس عبدالله]

ما اعتقد ان مشكلة مثل هذه تستحق انها توصل الى "فكرة" الطلاق

اعتقد بامكاني اغير من شخصيتها تدريجيا ،واخليها تترك العادات السلبية في نظري -التصرفات الا ما احبها-

المسالة تحتاج فن وصبر وارادة ،بس ما في شيء مستحيل
​

ويش لو قلت لك ما بتتغير لو تنزل القمر ليها

 

[مارد المصباح]

ويش لو قلت لك ما بتتغير لو تنزل القمر ليها

حتى الحديد الصلب يذوب يا خوك ،ما في شيء يبقى على حاله

طبعا ما ادري يعني بس لو وصلت المسالة لحد باب مسدود وتصرفاتها كانت تسبب ليي ازعاج ومضايقات "كبيرة" بشكل "مستمر" ممكن افكر في اللجوء الى زوجة2 او الانفصال مثلا
مع ان هالشغلتين ما اتوقع اني راح اطبقهم صدق في يوم من الايام

بس مثل ما قلت لك قبل حتى الحديد تقدر تلينه وتشكله مثل ما تبي ،فما اتوقع هالزوجة بتكون الشيء الغير قابل للتغير ​

 

[رَحِيــلْ ،]

ويش لو قلت لك ما بتتغير لو تنزل القمر ليها

لا مو لهالحدّ.. بطريقةٍ ما تقدر تقنعها وتتفاهم وياها.
بالعكس أحس تغيير الرجل للمرأة أسهل بكثير من تغيير المرأة للرجل؛ لأن الرجل عادةً يعتقد "خطأً" إنه فحولته ما تسمح له بالاستماع إلى المرأة فشلون تطبيقها.
لكن بعد مو الكل.. الرجل وذكاؤه والمرأة وذكاؤها بعد، فيه شي يسمونه ذكاء عاطفي أظنه ينفع في هالحالات

 

[المهندس عبدالله]

لا مو لهالحدّ.. بطريقةٍ ما تقدر تقنعها وتتفاهم وياها.
بالعكس أحس تغيير الرجل للمرأة أسهل بكثير من تغيير المرأة للرجل؛ لأن الرجل عادةً يعتقد "خطأً" إنه فحولته ما تسمح له بالاستماع إلى المرأة فشلون تطبيقها.
لكن بعد مو الكل.. الرجل وذكاؤه والمرأة وذكاؤها بعد، فيه شي يسمونه ذكاء عاطفي أظنه ينفع في هالحالات

كلام سليم..
بس هي ينطبق على الحالة العامة.. أنا أبغي النظرية الشاملة اله تعم الحالات الشاذة..
يعني أنا من خلال خبرتي القصيرة شفت حالات جدي توصل للخصومة على أشياء تافهة
وطبعًا الرجال متقبل مرته وحاطنها على راسه شي يمكن نشوفه مو واقعي بس صار
**
المهم في وجهة نظري أن الرجال المفروض يتحمل بمرته ويعطيها مجال حق تتفلسف على كيفها أو حتى تفرض رايها في بعض المواقف حق تخف هذي "الزيجة" وبعض المواقف لازم يكون موقفه حازم فيها.. والمرأة لازم تتفهم الموضوع وأن رأي الرجل هو الماشي عجبها لو ما عجبها

أما المرأة فالمفروض أن تتحمل طبع الرجل "كونها وافقت على الإرتباط به حتى لو ما كانت تعرف بموضوعه "، بس هو بعد يلزم حده وإذا ما فهم بالطيب ففي خطوة أولى وثانية والثالثة الطلاق بعد ما في مفر من هل مجنون بيدبحها لازم تهرب منه

هي رأي بختصار يعني مرونة + إلتزام = توسط

 

[رَحِيــلْ ،]

كلام سليم..
بس هي ينطبق على الحالة العامة.. أنا أبغي النظرية الشاملة اله تعم الحالات الشاذة..
يعني أنا من خلال خبرتي القصيرة شفت حالات جدي توصل للخصومة على أشياء تافهة
وطبعًا الرجال متقبل مرته وحاطنها على راسه شي يمكن نشوفه مو واقعي بس صار
**
المهم في وجهة نظري أن الرجال المفروض يتحمل بمرته ويعطيها مجال حق تتفلسف على كيفها أو حتى تفرض رايها في بعض المواقف حق تخف هذي "الزيجة" وبعض المواقف لازم يكون موقفه حازم فيها.. والمرأة لازم تتفهم الموضوع وأن رأي الرجل هو الماشي عجبها لو ما عجبها

أما المرأة فالمفروض أن تتحمل طبع الرجل "كونها وافقت على الإرتباط به حتى لو ما كانت تعرف بموضوعه "، بس هو بعد يلزم حده وإذا ما فهم بالطيب ففي خطوة أولى وثانية والثالثة الطلاق بعد ما في مفر من هل مجنون بيدبحها لازم تهرب منه

هي رأي بختصار يعني مرونة + إلتزام = توسط

فيه وفيه يعني ده شي طبيعي مثل ما إن فيه ناس تتقبل الآخر فيه ناس ما تتقبل الآخر
وهالشي مو بس على إطار الحياة الزوجية..

هذا انته قلتها التوسط هو الحل، يتعامل وياها بسياسة، وهي تتعامل إياه بسياسة بعد.

لكن فيه شي بعد..
" والمرأة لازم تتفهم الموضوع وأن رأي الرجل هو الماشي عجبها لو ما عجبها "

لاء.. غلط غلط غلط - هههه حسيت جنها طالق طالق طالق - الرأي الصحيح هو اللي يمشي عاد كان من الرجّال لو المرة، لا كيفي ولا كيفه
وإذا كانوا اثنينهم صح وواحد أصح يمشي عالأصح.

"وَجَعَلَ بَيْنَكُمْ مَوَدَّةً وَرَحْمَةً"
المودة واضحة، وهي الحب. أما الرحمة فهي صبر واحد على الثاني.
والرحمة تشمل إن الواحد يحمل عيوب الثاني ويتحملها ويتصبر عليها.


- متى يوصل الحد للرغبة في الطلاق؟ إذا راح الاثنين أو راح واحد منهم خاصةً الأول اللي يكون عادةً دافع للثاني.

 

[المهندس عبدالله]

لاء.. غلط غلط غلط - هههه حسيت جنها طالق طالق طالق -

نعم.. صح صح صح
إذا ثنينهم إختلفو إنزين ساعات يصير الصح (مو الحق لاحظو) بس بعد لازم واحد يصير الراي رايه ومعروف أن الرجال هو اله رايه يمشي والإسلام بعد وقف ويه هل رأي وأن حق الرجل على المرأة الطاعة وحدد بعد وين هذي الطاعة تصير ووين ما تصير ووين تصير Option ..
والرجال قومون على النساء ..

** أحس عندي خلل في الفهم بس ما عليه يمشي الوضع **

 

[رَحِيــلْ ،]

نعم.. صح صح صح
إذا ثنينهم إختلفو إنزين ساعات يصير الصح (مو الحق لاحظو) بس بعد لازم واحد يصير الراي رايه ومعروف أن الرجال هو اله رايه يمشي والإسلام بعد وقف ويه هل رأي وأن حق الرجل على المرأة الطاعة وحدد بعد وين هذي الطاعة تصير ووين ما تصير ووين تصير Option ..
والرجال قومون على النساء ..

** أحس عندي خلل في الفهم بس ما عليه يمشي الوضع **

سالفة الأعراف دي ما يتقبلها عقلي، على أي أساس الرجال هو اللي يمشي رايه أول؟
إذا رايه صح ما عليه ده من حقه بعد على عيني وراسي، بس إذا فيه رأي أحسن من رايه أو أصح من رايه ليش ينأخذ بس لأنه "الرجّال" وهي "المرأة"؟ أو بس لأن العرف يخليه يمشي رايه أول.
هل أعرافنا بتخلي الرجّال يدش الجنّة أول؟


الرجل من حقه إن المرأة اتطاوعه هذا ما أختلف وياك فيه، لكنه مو حجة لفرض رأيه خصوصًا إذا كان رأيه مو سليم.


الآية الكريمة إليها تكملة ما تقدر تقصها عن تكملتها
" الرجال قوامون على النساء بما فضل الله بعضهم على بعض وبما أنفقوا من أموالهم "

- وش الشي اللي " بما فضّل الله بعضهم على بعض " ؟
- وش الشي اللي " بما أنفقوا من أموالهم " ؟

ترا الرجل قيّم على المرأة أبدًا مو معناه إنه يفرض نفسه عليها..
بالعكس كونه قيم يعطيه عبء إضافي بوجوب إنه يحميها ويصونها ويتحمل بها وينفق عليها..

 

[المهندس عبدالله]

سالفة الأعراف دي ما يتقبلها عقلي، على أي أساس الرجال هو اللي يمشي رايه أول؟
إذا رايه صح ما عليه ده من حقه بعد على عيني وراسي، بس إذا فيه رأي أحسن من رايه أو أصح من رايه ليش ينأخذ بس لأنه "الرجّال" وهي "المرأة"؟ أو بس لأن العرف يخليه يمشي رايه أول.
هل أعرافنا بتخلي الرجّال يدش الجنّة أول؟


الرجل من حقه إن المرأة اتطاوعه هذا ما أختلف وياك فيه، لكنه مو حجة لفرض رأيه خصوصًا إذا كان رأيه مو سليم.


الآية الكريمة إليها تكملة ما تقدر تقصها عن تكملتها
" الرجال قوامون على النساء بما فضل الله بعضهم على بعض وبما أنفقوا من أموالهم "

- وش الشي اللي " بما فضّل الله بعضهم على بعض " ؟
- وش الشي اللي " بما أنفقوا من أموالهم " ؟

ترا الرجل قيّم على المرأة أبدًا مو معناه إنه يفرض نفسه عليها..
بالعكس كونه قيم يعطيه عبء إضافي بوجوب إنه يحميها ويصونها ويتحمل بها وينفق عليها..

أها أوكي (قلت أنا أنه عندي سوء فهم، طلع ظني في محله ).
زين ما جاوبتين أحين هم أختلفو والإختلاف ما فيه صح وغلط يعني هو يبي ياكل جح أحمر وهي تبي جح أصفر..
مثلًا هو يبي يصبغ الواجهة مال البيت لون بصلي وهي تبيه وردي مثلًا طبعًا السعر واحد بس مسألة تفلسف أحين الرجال مثلًا شاف أنه اللون اله تبيه يفشل بس خلاص مخه ضرب على هل فكرة وما رضا يتنازل ولا هي رضت تتنازل ..
أحين ويش نخليها حلبة مصارعة ونطالع لو واحد لازم يتنازل؟؟ طبعًا ما فيه صح وغلط كل واحد عنده راي

وساعات لا الرجال هو الصح والمرأة هي الغلط والرجال يبي يفرض رأيه وهي مو متقبلة لا اله لازم رأيها هي الصح وتبي تمشيه
فكلمة "صح" ممكن عند الإختلاف تصير كلمة نسبية وغير كافية لتحديد ناخد برأي من؟
فكلامي عن أن رأي الرجل لازم يمشي كان منطقي وحل بديهي للمشكلة

** إذا كان الموضوع شخصي يعني مثلًا لو سيارتها اله هو بيشتريها ليها ومثلها من الأشياء اله هو ما تخصه فهني رأيها يمشي لأن الموضوع مو مشترك، بس كلامي هني عن الأمور المشتركة

مثلًا لون غرفة النوم المرة تبيه وردي والرجال يبيه أبيض خلاص بعد لين هو ضرب راسه على الشغلة ما تقدر توقفه *إكليها يا مرة*
*واحد راسه يابس *

 

[Noise-X]

بس بعد لازم واحد يصير الراي رايه ومعروف أن الرجال هو اله رايه يمشي والإسلام بعد وقف ويه هل رأي وأن حق الرجل على المرأة الطاعة وحدد بعد وين هذي الطاعة تصير ووين ما تصير ووين تصير Option ..

في الإسلام مافي حق للرجل ان على المرأة الطاعة - بشكل مطلق - .. ففي حال الإختلاف في الأمور الإعتيادية بيكون الحال لما تختلف وي أي إنسان ثاني المفروض يتحاورون وتوافقون، وفي حال فرض الراي من طرف بيكون ليه اثر على الإستقرار بينهم.

والرجال قومون على النساء ..

القوامة في الآية المقصود بها النفقة .. فهي مو قاعدة تحدد منزلة خاصة او رتبة معينة، مثل ما ذُكر

ترا الرجل قيّم على المرأة أبدًا مو معناه إنه يفرض نفسه عليها..
بالعكس كونه قيم يعطيه عبء إضافي بوجوب إنه يحميها ويصونها ويتحمل بها وينفق عليها..

 

[المهندس عبدالله]

في الإسلام مافي حق للرجل ان على المرأة الطاعة - بشكل مطلق - .. ففي حال الإختلاف في الأمور الإعتيادية بيكون الحال لما تختلف وي أي إنسان ثاني المفروض يتحاورون وتوافقون، وفي حال فرض الراي من طرف بيكون ليه اثر على الإستقرار بينهم.



القوامة في الآية المقصود بها النفقة .. فهي مو قاعدة تحدد منزلة خاصة او رتبة معينة، مثل ما ذُكر

أي صح.. أنا ما فهمت عدل..
بس شوف الرد السابق

 

[رَحِيــلْ ،]

أها أوكي (قلت أنا أنه عندي سوء فهم، طلع ظني في محله ).
زين ما جاوبتين أحين هم أختلفو والإختلاف ما فيه صح وغلط يعني هو يبي ياكل جح أحمر وهي تبي جح أصفر..
مثلًا هو يبي يصبغ الواجهة مال البيت لون بصلي وهي تبيه وردي مثلًا طبعًا السعر واحد بس مسألة تفلسف أحين الرجال مثلًا شاف أنه اللون اله تبيه يفشل بس خلاص مخه ضرب على هل فكرة وما رضا يتنازل ولا هي رضت تتنازل ..
أحين ويش نخليها حلبة مصارعة ونطالع لو واحد لازم يتنازل؟؟ طبعًا ما فيه صح وغلط كل واحد عنده راي

وساعات لا الرجال هو الصح والمرأة هي الغلط والرجال يبي يفرض رأيه وهي مو متقبلة لا اله لازم رأيها هي الصح وتبي تمشيه
فكلمة "صح" ممكن عند الإختلاف تصير كلمة نسبية وغير كافية لتحديد ناخد برأي من؟
فكلامي عن أن رأي الرجل لازم يمشي كان منطقي وحل بديهي للمشكلة

** إذا كان الموضوع شخصي يعني مثلًا لو سيارتها اله هو بيشتريها ليها ومثلها من الأشياء اله هو ما تخصه فهني رأيها يمشي لأن الموضوع مو مشترك، بس كلامي هني عن الأمور المشتركة

مثلًا لون غرفة النوم المرة تبيه وردي والرجال يبيه أبيض خلاص بعد لين هو ضرب راسه على الشغلة ما تقدر توقفه *إكليها يا مرة*
*واحد راسه يابس *

هههههه عاد دي أشياء سخيفة يتهاوشون عليها
يشترون جحة حمرة وصفرة وكل واحد ياكل اللي يبيه وبس
هاي شي لحظات يعني وممكن يتكرر

أما عن لون الصبغ عاد هذا يستمر فترة، فلذلك يتفقون بين بعض وخلاص..
بس الاتفاق ما يعني ترجيح رأي على رأي، يعني لا يحكم على هالقانون ويقول أنا الرجال وبصبغها باللون اللي يعجبني
وإنما بالتفاهم وبالاتفاق.. لأن هالأشياء تعتمد على الأذواق ما تعتمد على صح وغلط..
يتفاهمون ومردهم بيتفقون للين ما واحد يتنازل بعقلانية، يتوصلون إلى لون مثلًا يناسب الطرفين، أو حل يوافق الذوقين، ومو معقولة وحدة بتخرب بيتها ليش مو صابغ بهاللون أو رجال بيخرب بيته لأن مو عاجبنه اللون اللي قالته مرته! دي يسمونها مبالغة

الأشياء المشتركة بما إنها مشتركة خل تكون مشتركة بالفعل.

 

[المهندس عبدالله]

هههههه عاد دي أشياء سخيفة يتهاوشون عليها
يشترون جحة حمرة وصفرة وكل واحد ياكل اللي يبيه وبس
هاي شي لحظات يعني وممكن يتكرر

أما عن لون الصبغ عاد هذا يستمر فترة، فلذلك يتفقون بين بعض وخلاص..
بس الاتفاق ما يعني ترجيح رأي على رأي، يعني لا يحكم على هالقانون ويقول أنا الرجال وبصبغها باللون اللي يعجبني
وإنما بالتفاهم وبالاتفاق.. لأن هالأشياء تعتمد على الأذواق ما تعتمد على صح وغلط..
يتفاهمون ومردهم بيتفقون للين ما واحد يتنازل بعقلانية، يتوصلون إلى لون مثلًا يناسب الطرفين، أو حل يوافق الذوقين، ومو معقولة وحدة بتخرب بيتها ليش مو صابغ بهاللون أو رجال بيخرب بيته لأن مو عاجبنه اللون اللي قالته مرته! دي يسمونها مبالغة

الأشياء المشتركة بما إنها مشتركة خل تكون مشتركة بالفعل.

*إحساس المغلوب *
أوكي إقتنعت #تفاهم
إنزين نرجع لموضوعنا ونوصال
ويش لو ما تفاهمو يعني أشياء تافهة "حرام"* يوصل الموضوع له خصومات وطلاق وهل مشاكل اله كله نسمع عنها والشي حاصل يعني مو مبالغة ويش رايكم في الموضوع.. ويش رايكم مستعدين تتنازلون لطرف الآخر وتقبلون بحله حتى لو ما عجبكم ؟

* حرام بالمعنى الدارج اله نستخدمه بمعنى "خسارة" أو "شي محزن"...

 

[رَحِيــلْ ،]

*إحساس المغلوب *
أوكي إقتنعت #تفاهم
إنزين نرجع لموضوعنا ونوصال
ويش لو ما تفاهمو يعني أشياء تافهة "حرام"* يوصل الموضوع له خصومات وطلاق وهل مشاكل اله كله نسمع عنها والشي حاصل يعني مو مبالغة ويش رايكم في الموضوع.. ويش رايكم مستعدين تتنازلون لطرف الآخر وتقبلون بحله حتى لو ما عجبكم ؟

* حرام بالمعنى الدارج اله نستخدمه بمعنى "خسارة" أو "شي محزن"...

إذا فرضنا وجود أشياء صغيرة مُختلَف عليها ووصلت لحدّ الخصومات والطلاق والمشاكل
حتى لو هالشي حرام يسوونه - بالمعنى الدارج للحرام - بس غلطهم هم وقرارهم هم بروحهم.
إذا ما كانوا مستعدين للتنازل للآخر على أشياء صغيرة فشلون بيعيشون؟

ما أقول إن التهرب من المشكلة بالطلاق والانفصال هو الحل، كلش لا، تضخيم المشكلة بحدّ ذاته مشكلة..
يفترض من البداية إن أي زوج وزوجة مقبلين على الزواج حاطين في بالهم إن ممكن نختلف وممكن نتهاوش وممكن تصير مشكلة بيننا، ده شي طبيعي، بس يحطون في بالهم بعد إن لازم شخص يتنازل، أما كل طرف بيقول "أنا طبعي عنيد" و"أنا بسوي اللي في راسي" في هالحالة بيصعبون العيشة على روحهم، رضى أو لا لازم يتقبل الطرف الآخر كونه جزء من حياته.

أما اللي مو مستعد لتقبل الآخر أو مو مستعد حتى للتفاهم معه.. فلا يعرّس أو لا تعرّس، لأن مستحيل رجال يطاوع مرة في كل شي، ومستحيل مرة تطاوع رجال في كل شي " أقصد بالمطلق التام "

أساسين من أساسيات الحياة الزوجية التفاهم والتصبر على الآخر، فشلون ينبني باقي البيت بدونهم؟

 

[أمواج]

فيه صفات أو طباع ما يقدر الانسان يغيرها فيه
"من شبَّ على شيء شاب عليه"
فلا نعتقد ان ممكن نغير كل شي ما يعجبنا في الطرف الآخر
خصوصًا اذا في حال مقتنع انه مو على غلط

مثلًا شخص غيور ويعتبر ان الغيرة تعبير عن الحب
والطرف الآخر ما يتحمل انسان غيور قد يمنعه من أمور يعتبرها عادية طبيعية
بحاول يغيره ما بيقدر لأن هالشي نابع من داخله ومقتنع منه بعقله
حتى لو ما صرّح لارضاء الطرف الآخر بيبقى الشي بداخله

أو مثلًا شخص يعتبر نفسه كريم والي ما يتقبل كرمه بخيل
الطرف الآخر يشوفه مبذر ويعتبر نفسه حريص على الأسرة وموازنة الدخل
شي قناعة في الاثنين .. ممكن يوصلون لحل وسط بس ما بتنحذف القناعات والصفات تمامًا

فالحل تتقبله وتحاول تخفف من وقع الصفة الي مستاء منها
وغالبًا مع العشرة تنعرف هالنقاط
ما بجي ليك/ليش انسان مثل الصفات الي تتوافق معاها بنسبة 100%
مهمه الصراحة بأسلوب حواري .. أنا هالشي منزعج منه .. وبدون أسلوب الأمر أو الاستهزاء

عشان تتفادى صفات وطباع معروفة ما تتقبلها .. من البداية .. من المقابلة
اذا فيه شي كلش كلش ما تتقبله كصفة، قول للطرف الثاني أنا هالشي ما أتقبله في شريك حياتي
أو اسأل الطرف الثاني شنو الأمور الي ما تتقبلها عشان تقيس نفسك عليها تناسبه أو لا
اسأله دايركت هل انت عصبي مثلًا
بالمختصر حاول توصل للصفات الي تطلبها أو الي ما تتقبلها موجودة أو لا
وطبعًا ما بتوصل لكل شي .. ممكن يظهر شيء مو حاطنه بحسبانك
فالحالة للاختلاف جدّا طبيعية .. حتى التوأم ما يتطابقون

 

[نجمة تشرين]

السلام عليكم

أمس وصلتني نكته ..ما ادري قديمة جديدة بس اهمشي ان وصلتني

المهم هالنكته تقول

:
مفروض الشباب بهالوقت لما يروح يخطب
هو اللي يتشرط

ابيها ما تدحن و لا تعسل و لا راعية سفرات و خرابيط
و ما تروح حفلات و ابيها
تصونني و تستر علي


امم الصورة واضحة
شرايكم في هالشغله

 

[علي البلادي]

أها أوكي (قلت أنا أنه عندي سوء فهم، طلع ظني في محله ).
زين ما جاوبتين أحين هم أختلفو والإختلاف ما فيه صح وغلط يعني هو يبي ياكل جح أحمر وهي تبي جح أصفر..
مثلًا هو يبي يصبغ الواجهة مال البيت لون بصلي وهي تبيه وردي مثلًا طبعًا السعر واحد بس مسألة تفلسف أحين الرجال مثلًا شاف أنه اللون اله تبيه يفشل بس خلاص مخه ضرب على هل فكرة وما رضا يتنازل ولا هي رضت تتنازل ..
أحين ويش نخليها حلبة مصارعة ونطالع لو واحد لازم يتنازل؟؟ طبعًا ما فيه صح وغلط كل واحد عنده راي

وساعات لا الرجال هو الصح والمرأة هي الغلط والرجال يبي يفرض رأيه وهي مو متقبلة لا اله لازم رأيها هي الصح وتبي تمشيه
فكلمة "صح" ممكن عند الإختلاف تصير كلمة نسبية وغير كافية لتحديد ناخد برأي من؟
فكلامي عن أن رأي الرجل لازم يمشي كان منطقي وحل بديهي للمشكلة

** إذا كان الموضوع شخصي يعني مثلًا لو سيارتها اله هو بيشتريها ليها ومثلها من الأشياء اله هو ما تخصه فهني رأيها يمشي لأن الموضوع مو مشترك، بس كلامي هني عن الأمور المشتركة

مثلًا لون غرفة النوم المرة تبيه وردي والرجال يبيه أبيض خلاص بعد لين هو ضرب راسه على الشغلة ما تقدر توقفه *إكليها يا مرة*
*واحد راسه يابس *

في هذي الامور الثانوية مثل لونة الغرفة و لون القاشي و غيره اعتقد لازم الرجال يعطي المرأة حرية الاختيار ، الحياة تتطلب تنازلات فأنت تنازل في جوانب معينة و هي تتنازل في جوانب معينة و تمشي الحياة صحيحة مكتملة

 

[وحيد كالقمر]

سؤال لحواء

شنو ردة الفعل لو وانتون في الجامعة جا طالب ليش وطلب رقم بيتكم وقال انا بتخرج وبكون روحي وبتقدم ليش ؟

والسموحة اذا طلعت من سياق الموضوع

 

[Muhammad Aldumistani]

سؤال لحواء

شنو ردة الفعل لو وانتون في الجامعة جا طالب ليش وطلب رقم بيتكم وقال انا بتخرج وبكون روحي وبتقدم ليش ؟

والسموحة اذا طلعت من سياق الموضوع

هههه قوية O_O .. لكن في مثل الوقت عندي فضول أشوف الردود خخخخخ

 

[رَحِيــلْ ،]

سؤال لحواء

شنو ردة الفعل لو وانتون في الجامعة جا طالب ليش وطلب رقم بيتكم وقال انا بتخرج وبكون روحي وبتقدم ليش ؟

والسموحة اذا طلعت من سياق الموضوع

من زمان ما ارتفع هالموضوع
كنت بتهرّب من السؤال لئلا تكون إجابتي الأولى وبنتظر بقية الإجابات لكن ما عليه.

في أوّل ما قرأت السؤال ذكرت مباشرةً موقف حصل لصديقتي - بس ما شهدته - وبحسب الرواية أن هناك شخص طرّش أخته أو وحدة من أهله، لقول مثل هالكلام أو شبيه إليه، أو هو بعد لو شخص ثاني وموقف ثاني مو ذاكرة! وما أذكر ردّة فعلها بالضبط اللي قالته لأن ذاكرتي مشوشة، بس بعد ما أعتقد صار شي..
لكن البنات ما يجوزون عن ذكر مثل هالمواضيع وكل وحدة كانت تقول عن موقفها أو حتّى مواقفها! ولا يجوزون عن طرح النقاشات وفتح باب " اتخليلي لو حصل كذا وكذا " وحزتها سألوني فجأة على آخر شي لو صار لش موقف بأن أحد وقّفش وقال لش إنه معجب وبيتقدم وبيخطب... من هالكلام. ببساطة جاوبت ردّيت عليهم بالإجابة اللي اعتقدت أنها جيّدة وكنّا في موقف وداع لأن بمشي وما جرت المناقشة على إجابتي.

بالنسبة لإجابتي على هذا السؤال إهني شي مختلف عن اللي جاوبته عليهم، في الغالب أي سؤال يكون فيه (شنو ردّة الفعل؟) ما أعرف أجاوبه إلا إذا عشته، أي إجابة ما أحسّ بتكون صادقة جدًا، أو ربما ما تعكسني، أو ربّما لو حصل الموقف يطلع مني شي غير، بل إن في أكثر الأحيان يصير شي غير!
لكن عمومًا، أظن أني بستنكر هذا الفعل ولو دماغيًا، خاصةً إذا كان يقدر يطرّش أحد غيره، ولكن في مثل الوقت ما بقدر أقول (إي) ولا بقدر أقول (لا).. ما أعرف بالضبط شلون بتصرّف ولكن بدوّر أي إجابة مُبهَمة بحيث ما أقبل ولا أرفض بس في مثل الوقت أقبل وأرفض - ما أدري عاد افهموها - ، أو يمكن أأجل جوابي إليما بالفعل يطبّق كلامه.

وفي النهاية، مهما كان اللف والدوان اللي بيصير من ربكة الموقف - وأشك أنه بيصير بالفعل وأشك في السطرين اللي كتبتهم فوق -.. أغلب الظن وهذا اللي أتوقعه كردّة فعل حقيقية منّي: بتكون الإجابة بالموافقة على التقدّم - ما فيه مشكلة ما دام الشي مو غلط - أكثر من كونها موافقة على الشخص. بس من المهم حزتها أنه ما يفهمها كموافقتي عليه لأنّ هذا يكون في مرحلة لاحقة.
نقطة أخيرة: فيه عامل بيأثر بعد على ردّة فعلي.. وهو الشخص نفسه وهل أحمل وجهات نظر عنه، وأفكار، وما شابه؟ فإذا كنت أعرف سلفًا أنه ما يناسبني بعتذر منه وبرفض مباشرةً.


بالمناسبة، يمكن يجي أحد فضول وش جاوبت على ربعي، ببساطة قلت: ما بيصير شي؛ لأنّ ما بيصيدني مثل هذا الموقف.