حوار ساخن بين آدم و حواء ....

[إيقاع]

أحين لين أمبي أعرف عقلية البنية.. ما أعرف هل ممكن يعني في المقابلة أتسأل أسئلة حق هدذا الهدف؟ ولا بينزعجون وبردوني من أولها

باعتقادي البنات ما ينزعجون من الأسئلة بشكل عام، إلا إذا كان سؤال كلش محرج وما يخطر في بالي الحين لأجاوبك.

بس بالعموم يعني.. أعتقد المزعج ما يكون الأسئلة بقدر الشروط والأوامر الا ما ليها معنى.
مثلا:
- متقدم لبنت يعرف إنها تلبس عباية كتف، يقول: إذا تزوجنا البسي عباية راس.
- متقدم لبنت خلنا نفترض إنها تدرس في الجامعة، تخصص طبيعة العمل بعدين تختلط بالرجال مثل الشركات يعني لا يروح البال بعيد واجد، وهو يعرف التخصص ويعرف شنو بتشتغل، يقول: مابيش تشتغلين هالشغلة. انزين دا تخصصها شتسوي!

وغيرها من الأمثلة.

طبعا شي جيد يقول هالكلام من البداية عشان البنت ترفضه.. بس ما أشوف له داعي يتقدم من أساس إذا هو يعرف هالمعلومات عنها ومو عاجبتنه.

 

[ولد عمران]

بس البنية مو سيارة ولا احنا عارضين روحنا بمعرض .. والي يبي يتعامل مع الموضوع عدل محد يمنعه .. اذا الانسان مقتنع بشي ما يهمونه الناس اذا عارضوه .. اني بنية وواجهت النوعين الي يحترمون البنية كانسانة والي ينظرون ليها سيارة

اوكي اسألوا عنها من الالف للياء بعد .. هذا من حقكم مثل ما هو حقها .. اما تجمعون مواصفات جم وحدة او تدخلون مقابة لجم وحدة وتتخيرون بمثل الوقت ! .. او ما تعطون مواصفات الصبي للبنية! .. اخطبوا وحدة مو الف لين ما عجبتكم ردوا عليها وروحوا لغيرها

انا حذفت جزء من الاقتباس مو عشان اني ما أبالي، عشان اني اتكلم في محور الموضوع و اترك الامثلة لانه الامثلة عشان توضع المعنى لا غير.

طبعا خل في البداية نأكد انه الناس مو سلع للبيع و هذا شي طبيعي.

انا الي اقوله انه المجتمع و ثقافتنا حولت الموضوع للبيع، انا باجر يمكن اروح اتقدم لبنية تقول لي مهري عرسي الهداية كلهم ب ١٠ آلاف و اشترط عليك بيت مستقل، يعني الموضوع صار سعر، عشان ترتبط في هالبنية لازم تدفع السعر، مو عاجبك يا انك تفاوض في السعر او تشوف غيرها.

يمكن انتين ما اتشوفين هالشي بيع و شرا، و يمكن كلامش صحيح، انا كل الي اقوله عوامل البيع و الشراء واجد متشابهة في هالموضوع.

و بالنسبة للناس الي اتدور اكثر من وحدة في نفس الوقت، مافيه شي يمكن الصبي من انه يدور اكثر من وحدة، و حتى البنية.... مدام انه العلاقات ما تتطور اكثر من انها تعارف....

عاد شلون الناس تتصرف و تتكلم هذا شي برة النقاش لانه مثل ما في امثلة خايسة فيه امثلة طيبة.

اذا انتين شفتين امثلة حق ناس مو زينة ان شاء الله تتعوضين.

 

[إيقاع]

و بالنسبة للناس الي اتدور اكثر من وحدة في نفس الوقت، مافيه شي يمكن الصبي من انه يدور اكثر من وحدة، و حتى البنية.... مدام انه العلاقات ما تتطور اكثر من انها تعارف....

كتدوير مو مشكلة، حقه هذا. لكن برأيك هل عادي تتقدم لبنت يوم، ويوم ثاني تتقدم لبنت ثانية وانت ما اتخذت قرار بشأن الأولى؟ طيب والأولى اللي تحجيت وياها ويمكن من كلامك حست بشي من القبول والموافقة وبنت على هالأساس؟ لهالدرجة مشاعر البنت لعبة عدكم.. عادي وما تطورت العلاقة! ارفضها أول وسو اللي يعجبك بعدين.

 

[المهندس عبدالله]

انا حذفت جزء من الاقتباس مو عشان اني ما أبالي، عشان اني اتكلم في محور الموضوع و اترك الامثلة لانه الامثلة عشان توضع المعنى لا غير.

طبعا خل في البداية نأكد انه الناس مو سلع للبيع و هذا شي طبيعي.

انا الي اقوله انه المجتمع و ثقافتنا حولت الموضوع للبيع، انا باجر يمكن اروح اتقدم لبنية تقول لي مهري عرسي الهداية كلهم ب ١٠ آلاف و اشترط عليك بيت مستقل، يعني الموضوع صار سعر، عشان ترتبط في هالبنية لازم تدفع السعر، مو عاجبك يا انك تفاوض في السعر او تشوف غيرها.

يمكن انتين ما اتشوفين هالشي بيع و شرا، و يمكن كلامش صحيح، انا كل الي اقوله عوامل البيع و الشراء واجد متشابهة في هالموضوع.

و بالنسبة للناس الي اتدور اكثر من وحدة في نفس الوقت، مافيه شي يمكن الصبي من انه يدور اكثر من وحدة، و حتى البنية.... مدام انه العلاقات ما تتطور اكثر من انها تعارف....

عاد شلون الناس تتصرف و تتكلم هذا شي برة النقاش لانه مثل ما في امثلة خايسة فيه امثلة طيبة.

اذا انتين شفتين امثلة حق ناس مو زينة ان شاء الله تتعوضين.

هههههه
أخوي.. هي الموضوع ما قط انفتح ولقى أذان صاغية..
وبقول لك شي.. أنا شفت بنات متساهلين، قاموا يتكلمون عنهم بكلام خطير.. اله يقول تبي تمشي روحها.. اله يقول ما أدري ويش.. فحتى اله يفكرون يسهلون ينجفون من سخافات المجتمع هذي ... الواحد يبي يسلم من لسان الناس..

فبالمختصر انته تنفخ في كيس مثقوب .. نحتاج لثقافة جديدة أكثر من حملة #سهلوها

 

[ولد عمران]

كتدوير مو مشكلة، حقه هذا. لكن برأيك هل عادي تتقدم لبنت يوم، ويوم ثاني تتقدم لبنت ثانية وانت ما اتخذت قرار بشأن الأولى؟ طيب والأولى اللي تحجيت وياها ويمكن من كلامك حست بشي من القبول والموافقة وبنت على هالأساس؟ لهالدرجة مشاعر البنت لعبة عدكم.. عادي وما تطورت العلاقة! ارفضها أول وسو اللي يعجبك بعدين.

انا ما تقدمت حق احد !!!!!

انا (مع للعلم انا ضد هالمقابلات بشكل عام، لكن اناقش الموضوع لانه في ناس تأيد هالشي و انا احاول اني اطالع الفكرة من ناحية منطقية) كل الي قلته، شخص قابل اكثر من بنية، و في هالمقابلة تعرف بشكل سطحي على البنية، و المفروض البنية تسوي نفس الشي... فقط لا غير.

طلع الرجال و قابل اكثر من بنية غير، خلال الاسبوع او الشهر.

و بعدها عجبته وحدة و راح خبر البقية سوري بس ما صار جانس. (عاد واحد قال لانه خشمها طويل، ولا شعرها ليفة، شسوي اذا اسلوبه في النقد وقح)

اذا البنية تعلقت فيه من اول مرة، سوري بس هالبنية ضعيفة شخصية، و يمكن فيها حالة يأس من فكرة العنوسة (اعيد و اكرر بسبب الثقافة الي خلقناها)

 

[إيقاع]

انا ما تقدمت حق احد !!!!!

انا (مع للعلم انا ضد هالمقابلات بشكل عام، لكن اناقش الموضوع لانه في ناس تأيد هالشي و انا احاول اني اطالع الفكرة من ناحية منطقية) كل الي قلته، شخص قابل اكثر من بنية، و في هالمقابلة تعرف بشكل سطحي على البنية، و المفروض البنية تسوي نفس الشي... فقط لا غير.

طلع الرجال و قابل اكثر من بنية غير، خلال الاسبوع او الشهر.

و بعدها عجبته وحدة و راح خبر البقية سوري بس ما صار جانس. (عاد واحد قال لانه خشمها طويل، ولا شعرها ليفة، شسوي اذا اسلوبه في النقد وقح)

اذا البنية تعلقت فيه من اول مرة، سوري بس هالبنية ضعيفة شخصية، و يمكن فيها حالة يأس من فكرة العنوسة (اعيد و اكرر بسبب الثقافة الي خلقناها)

ما قصدتك انته بشكل مباشر إنما من سياق الحديث، وأسلوب المخاطبة يُقصد به أي رجل.. فأرجو عدم التحسس.

ماذا لو الشاب تقدم لبنت.. وهي ما اتخذت قرار بشأنه للآن، وعلى افتراض أهل الشاب اتصلوا وهم موافقين ورد البنت كان: للحين أفكر. وفي هذي الفترة جاها شاب ثاني.. هل مقبول إنها ترد تدش مقابلة وياه وبعدين تنقي أي واحد منهم الأفضل؟ ما أتوقع الفكرة مقبولة. إذن لماذا نتقبل فكرة دخول الشاب أكثر من مقابلة قبل الرد؟

-

أما بالنسبة لي أنا أيضا ضد أو بالأحرى لا أؤيد فكرة اتخاذ قرار الزواج من خلال مقابلة. ومن جهة أخرى ضد (وبشدة) تقدم الرجل لبنت دون أن يعرف على الأقل لو نسبة موافقته عليها.

 

[Muhammad Aldumistani]

مشكلتنا كأفراد ما نفكر في المجتمع .. بس في نفسنا .. وهالشي تم مواصل حتى تراكم وصار ثقافة وعقلية في مجتمعنا .. بالتالي أثر على الأفراد (سواء الأبرياء أو سبب العلة منهم).

 

[أمواج]

بعد ما تجاوبون على سؤال أخونا عبدالله ..

جاوبوا على هالسؤالين:

1- مجتمعنا أحين.. الحمل صاير مبكر .. (مرحلة الخطبة) .. من يؤيد و من يعارض ؟ -أهم شي الأسباب-

2- نحول الموضوع لشيء مفيد .. ما هي الأسئلة التي نطرحها في المقابلة ؟ .. وما هي الأسئلة التي لا يجب علينا طرحها ؟

بالنسبة للسؤال الأول المفروض هذا الأمر قرار الطرفين وكل واحد يتخذه بالوقت الي يناسبه
بالنسبة ليي ما أأيد الزواج مباشرة بدون فترة خطوبة يتعرفون فيها على بعض عدل و يتعودون على بعض ويتقبلون بعض
لأن الاستعجال بالزواج والانجاب وبعدين يختلفون بكون الأمر مكلف

السؤال الثاني يعتمد على كل واحد وشنو مهم عنده يعرفه عن الطرف الآخر
بشكل عام الأسئلة أحسها تكون تحت إطارات متعددة
الشخصية والاهتمامات/ الالتزام / طبيعة علاقات الشخص ودوره في عائلته ومجتمعه / آراء عن مواضيع عامة مهمة للسائل / طبيعة العمل ومدى تقبله
ما اعرف شنو الأسئلة بالضبط الي لازم ما تنطرح لكن الرجل يتحسس أحيانًا تسأله البنت عن معاشه
والبنت الأمور الي تحسسها ان الي قدامه همه شكلها، فلا يفكر الرجل يطلب البنية تقوم تمشي قدامه مثلًا << هالشي واقعي صار سمعته من بنية أعرفها

 

[أمواج]

طلع الرجال و قابل اكثر من بنية غير، خلال الاسبوع او الشهر.

و بعدها عجبته وحدة و راح خبر البقية سوري بس ما صار جانس.

ودام الأوليين مو مقتنع منهم من أساس ليش ما يرد من البداية ما فيه جانس
ما أتصور اني أتقبل ان أحد يتقدم ليي وعقب شهر يرجع يقول ما فيه نصيب .. ليش متعب روحه يرد بعد ؟!
عفوًا لكن البنية ما تنحط على قائمة الاحتياط

 

[أمواج]

هههههه
أخوي.. هي الموضوع ما قط انفتح ولقى أذان صاغية..
وبقول لك شي.. أنا شفت بنات متساهلين، قاموا يتكلمون عنهم بكلام خطير.. اله يقول تبي تمشي روحها.. اله يقول ما أدري ويش.. فحتى اله يفكرون يسهلون ينجفون من سخافات المجتمع هذي ... الواحد يبي يسلم من لسان الناس..

فبالمختصر انته تنفخ في كيس مثقوب .. نحتاج لثقافة جديدة أكثر من حملة #سهلوها

اذا سهلت على الصبي قالوا بايعة روحها ومسترخصة روحها
واذا صعبت عليه قالوا ما يراعون شبابنا وكل يتطلبون
أحسن شي ان الواحد يتصرف بلي يحكمه عليه ضميره والي يناسبه والي يشوفه يرضي ربه

 

[ولد عمران]

ما قصدتك انته بشكل مباشر إنما من سياق الحديث، وأسلوب المخاطبة يُقصد به أي رجل.. فأرجو عدم التحسس.

ماذا لو الشاب تقدم لبنت.. وهي ما اتخذت قرار بشأنه للآن، وعلى افتراض أهل الشاب اتصلوا وهم موافقين ورد البنت كان: للحين أفكر. وفي هذي الفترة جاها شاب ثاني.. هل مقبول إنها ترد تدش مقابلة وياه وبعدين تنقي أي واحد منهم الأفضل؟ ما أتوقع الفكرة مقبولة. إذن لماذا نتقبل فكرة دخول الشاب أكثر من مقابلة قبل الرد؟

-

أما بالنسبة لي أنا أيضا ضد أو بالأحرى لا أؤيد فكرة اتخاذ قرار الزواج من خلال مقابلة. ومن جهة أخرى ضد (وبشدة) تقدم الرجل لبنت دون أن يعرف على الأقل لو نسبة موافقته عليها.

اي عادي مافيها شي، يمكن احنا طريقة تفكيرنا مختلفة، انا ما اعتبر انه تنتقي الافضل او انا انتقي الافضل... لانه هالشي مو بالضرورة صحيح.... المفروض تنتقي الانسب ليها شخصيا..... و الانسب ليها مو بالضرورة افضل واحد او احسن شخص بين كل الناس.... و لو انا مثلا بسويها ليكون بس بتقابل مرة وحدة لمدة ساعة، اكيد في هالشهر بتقابل اكثر من مرة....

ليش انتين متخيلتنها كاني صاف البنات على صوب و اقعد اسوي ميني مايني ميني مو....

 

[ولد عمران]

ودام الأوليين مو مقتنع منهم من أساس ليش ما يرد من البداية ما فيه جانس
ما أتصور اني أتقبل ان أحد يتقدم ليي وعقب شهر يرجع يقول ما فيه نصيب .. ليش متعب روحه يرد بعد ؟!
عفوًا لكن البنية ما تنحط على قائمة الاحتياط

احتياط، نلعب كرة سهلة D: و انا ما ادري.

شهر من مقابلات مختلفة و تالي اذا ما عجبه يقول مافي جانس

 

[المهندس عبدالله]

أله أشوفه إن الأغلبية يعارضون الموضوع ويتحسسون منه .. صراحة بحس بالإحراج إذا تقدمت لبنية وعقب مدة قبلوا خاطب ثاني!!!!

 

[إيقاع]

اي عادي مافيها شي، يمكن احنا طريقة تفكيرنا مختلفة، انا ما اعتبر انه تنتقي الافضل او انا انتقي الافضل... لانه هالشي مو بالضرورة صحيح.... المفروض تنتقي الانسب ليها شخصيا..... و الانسب ليها مو بالضرورة افضل واحد او احسن شخص بين كل الناس.... و لو انا مثلا بسويها ليكون بس بتقابل مرة وحدة لمدة ساعة، اكيد في هالشهر بتقابل اكثر من مرة....

ليش انتين متخيلتنها كاني صاف البنات على صوب و اقعد اسوي ميني مايني ميني مو....

هذا ما عنيته بالأفضل: الأنسب.

صراحة ماعرف الصبيان شلون يفكرون بهذا الشأن.. بس إذا كل الصبيان يفكرون بهالطريقة فالأمر صادم. علما بأن هالموضوع جديد عليي وما عرفت بوجود هالحالة إلا من هذي المناقشة.

بالنسبة للبنت إذا تقدم ليها واحد مناسب فهي تدري، في فرصة إن يتقدم ليها واحد أنسب بمواصفات تطمح ليها أكثر، وبالمثل في نسبة إن ما يجي واحد أنسب منه. بس في النهاية الزواج نصيب، ما يصير كل ما واحد يتقدم تحط هذي المسألة في بالها، وتحتار وترفض لأن ممكن يجي أفضل منه.

الصبي نفس الشي.. في بنت بحصلها بتكون مناسبة، في بنت أنسب.. ممكن يحصلها وممكن ما يحصلها.. هل بظل يبحث بشكل دائم عن البنت الأنسب؟ مش منطقي.

لو عندي أخ وقال بسوي هالحركة بيتقدم لأكثر من وحدة قبل ما يرد عليهم، فأني بكون أكبر معارضة، لا أرضاها على روحي، ولا على بنات الناس.

أنهي النقاش في هذه المسألة اهني، لك الحرية في تفكيرك المهين للبنت. مطلق الحرية.

 

[Hunter~X]

شهالمواضيع الخشنةةةةةةةةة يااااااه ..
خاطري أعلق و أتفلسف بس بكتب واجد اذا استنيت فبسكت أحسن هاهاهاها ..
كنت بقول .. سلامليكووو

 

[المهندس عبدالله]

شفتها.. وعجبني آخر سطر

 

[المهندس عبدالله]

** طبعًا أنا ما أأيد الشتم والتهجم مهما كان الموضوع

 

[ولد عمران]

هذا ما عنيته بالأفضل: الأنسب.

صراحة ماعرف الصبيان شلون يفكرون بهذا الشأن.. بس إذا كل الصبيان يفكرون بهالطريقة فالأمر صادم. علما بأن هالموضوع جديد عليي وما عرفت بوجود هالحالة إلا من هذي المناقشة.

بالنسبة للبنت إذا تقدم ليها واحد مناسب فهي تدري، في فرصة إن يتقدم ليها واحد أنسب بمواصفات تطمح ليها أكثر، وبالمثل في نسبة إن ما يجي واحد أنسب منه. بس في النهاية الزواج نصيب، ما يصير كل ما واحد يتقدم تحط هذي المسألة في بالها، وتحتار وترفض لأن ممكن يجي أفضل منه.

الصبي نفس الشي.. في بنت بحصلها بتكون مناسبة، في بنت أنسب.. ممكن يحصلها وممكن ما يحصلها.. هل بظل يبحث بشكل دائم عن البنت الأنسب؟ مش منطقي.

لو عندي أخ وقال بسوي هالحركة بيتقدم لأكثر من وحدة قبل ما يرد عليهم، فأني بكون أكبر معارضة، لا أرضاها على روحي، ولا على بنات الناس.

أنهي النقاش في هذه المسألة اهني، لك الحرية في تفكيرك المهين للبنت. مطلق الحرية.

نفس ما قال ذاك الصبي محد يسمع هني، محد تكلم عن صبي تقدم، انا ما عندي التزام تجاه اي بنت، انا الي اسوي اتعرف (gathering information) عاد انتين بالنسبة ليش المقابلة مرة وحدة بس، مرتين ٣ ٤، كل واحد له رآي في هالموضوع.

اخرتها اقرر من الشخص المناسب و اتقدم.

عاد اذا بنية تحطمت نفسيا بعد مقابلة مقابلتين و رفض و تقدم لغيرها، ضعف الشخصية مو مشكلتي.

** طبعًا أنا ما أأيد الشتم والتهجم مهما كان الموضوع

مو الكل يعرف يتكلم مو شي جديد، بس المهم ان ما تخلي هالامور تاثر على طريقتك في التعامل مع غيرك، مو الكل يعرف معنى حرية الرآي.

 

[Muhammad Aldumistani]

آخ عبير البنفسج ويش سويتي ؟ .. سويتي حوار ساخن بين آدم وحواء (فهمتونها ؟ .. عنوان الموضوع لأن .. بس بمسح روحي ههههههههه)

الحوار سااخن جداً .. يا ديزاينر لا يحرق المنتدى هالحوار

 

[بنفسجيه.~]

أسوء فترة تعيشها البنت هي الفترة الي يتقدمون لخطبتها فيها
فوق ان الموضوع مصيري .. بعد للأسف الناس صارت ما تتقيد بأي آداب للخطبة

*بما انه مشاركتش هي افتتاحية الموضوع و لانه الكلام اللي فيها جذبني اكثر،، لذلك حبيت ارد خصيصا عليه...

في البداية ما انكر انه الزواج التقليدي بدل لا يرتقي للافضل ..قاعدة تصير فيه سوالف غريبة مريبة ..و يمكن صدق توصل عند البعض انه يتعاملون مع البنت انها سلعة او شي بيشترونه في السوق..
اوكي ..هالحالات موجودة و فيه اللي يتنقون في المواصفات الشكلية و مستوى معيشي او دراسي و غيره...يعني اتفق وياش في بعض النقاط " خصوصا الاخريين"

لكن اللي ما حبذته كلش النقاط الاولية...وين عايشين! اذا كان هذا صدق...انه ياخذ مواصفات البنية بدون ما يعطي في المقابل مواصفاته او اسمه!...و حتى لو كان هالشي موجود صدق..الغلط بيكون في البنية او اهل البنية اللي يسمحون لهالشي انه يصير...
غلط انش تقبلين بالاساس ...ما ليها السالفة دخل باني استحي او عيب اطلب هالشي...هذا حق ...مثل ماتاخذون..تعطون...ما تعطون ...مع السلامة!..مومذللة نفسي كاني بموت على الزواج و اقبل انه تتطبق عليي هالاشياء و المظاهر الساقطة..."كلشي بالنهاية نصيب"

الغلط..انه البنية تسمح لنفسها تكون في هالموضع...اللي يبغى يخطب من الباب..يكمل معروفه و يخطب عدل ..ترى من حق البنية انه ما تدخل مقابلة ويا شخص الا عارفين المواصفات عامة عنه ومسايلن عنه..."وبرايي مو اي شخص يجي سيدا ادخل مقابلة وياه..يكون قبلها سؤال بسيط و عام عنه ..اذا كان زين لو لا"

يطلبون يشوفون البنت قبل لا يشوفها ولدهم عشان اذا عجبتهم بعدين يخلون ولدهم يقابلها بحجة ان ولدهم عنده شروط معينة وفي المقابلة بيستحي

لا حوول!
من البداية ..يلا.. برو هههه
يستحي في الوجه و من تحت لا تحت يقعد يتشرط!..وعنده اهل يتابعونه ...نبغيها جدي و نبغيها جداك!

بعد اقول ما انكر وجود هالشي...لكن الغلط مو منهم...من اذا كان فيه ناس في المقابل تعطيهم وجه و تسمح لهالاشياء انه تنتشر اكثر...كل ما سمحت البنية انه تكون في موضع ضعف كلما تمادوا اكثر..


*وعذرا اذا كانت صراحتي ضايقت احد...
الكلام غير موجه ليش بالذات @أمواج...بس تكلمت فوق و كاني اخاطب اي بنية ترضى بهالشي"