موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

حوار ساخن بين آدم و حواء ....

قصدت الجانب اللي أكد عليه الإسلام .. طبعاً مو كل عادات العرب زينه ولا كلها شينه


+ 1
" تثبيتًا لكلامك " ، الإسلام نفسه في أطباعه غيور في كل شي، لو ما كان غيور ما وضع الحدود،
ولكنه ما يمنع الحقوق بحجة الغيرة..! :smile2:

​
 
لأني اشوف ناس واجد ترفض هالشي خصوصا اذا كانت بنية وهالشي شفته بنفسي ، في بنات واجد يتمننون يعيشون هالتجربة لكن يشوفون رفض من اهاليهم

اي، طبعاً الي بيخاف على بناته يخاف على ولده في نفس الوقت لان ياما بنات سافروا واعتمدوا على نفسهم ورجعوا وتوظفوا، وياما صبيان اندفع ليهم فلوس عشان يروحون يتلعبون برا فماعتقد فيه قانون يمشي هني بنية وصبي، الي مابيرضى لان يخاف عليهم ثنينهم ومايحس يقدر يتحمل فراق احد من ولاده ولو ان فيها انانية ان يحطم طموح شخص على شغلة في ايده يقدر عليها عشان مصلحة شخصية ولو كانت عاطفة مو غلط، بس بعد ادا الشخص مقرر والاهل قادرين بس يرفضون بس عشان مايتحملون ولادهم في ديرة وهم في ديرة مو شي صائب، بس الي بيوافق ولده يدرس برا وبيرفض بنته تدرس برا "لانها بنت" هاي الي ما اتحمله
 
  • Like
التفاعلات: tara
قد يكون كلامش سليم في حالة زمن الاجداد اما الحين فما عاد وجود لابو لهب ولا لغيره حتى تدفن المراة او تعتبر عار وان مالها مكانة او اهمية في المجتمع ،حاليا صارت المراة مساوية للرجل في اغلب الامور اذا مو كلها ... اذكري جدي جم مثال عالسريع :rolleyes2:
محد جاب طاري الدفن، مو بس لان الحين المراة ماتندفن يعني خلاص سالفة السفر الي تناقشت هني مثال واحد، ولو اني لو بتكلم مابخلص، سالفة ان المرة ماتسوق في السعودية وماتسافر الا بمحرم شي ثاني، سالفة ان مفكرين الدين كلهم رجال وهالشي له تأثير على تفسير القرآن ونواحي الدين من ناحية ذكورية تامة، ولاتقول لي هالشي مستحيل يكون له ولا تأثير ولا نقطة هاي سالفة ثالثة، سالفة ان "الصبي شايل عيبه" بعد موضوع ثاني، سالفة ان المجتمع كله ينظر للمرأة انها اولاً عورة لازم نحميها ونحافظ عليها ويجيك بطريقة (جوهرة، كرامة، شرف) وجنها لعبة في ايدهم او طلبت منهم تعالوا احموا شرفي، يعني بنتحكم فيش بس نبي مصلحتش مو معناته لما يجيني مثال جدي بيعجبني الشي، لان هاي فيه انتقاص من المرأة كانسانة وجنها ماتقدر تتخذ قراراتها التفكير السائد ان المرأة كان ضعيف وحساس ولازم نحمي مشاعره بعد، سوالف واجد تحتاج امثلة ماقدر اجيبها الحين موضوع ان لما وحدة تتاخر يكلمونها رجعي لان عيب بنية برا لهالوقت حتى لو هي اصلا مو قاعدة تسوي شي غلط، لكن الصبي له الحرية التامة في روحاته وجياته وطلعاته لو البنية تنصاد تكلم صبي في فترة من فتراتها تطيح من عيون الكل ماجنه الانجذاب للجنس الاخر او فترة المراهقة فترة الكل يمر فيها، لكن لو الصبي شينصاد عليه بيقولون شايل عيبه وبيتغير ونزوة الخ شخصياً ولو اني ماحب اذكر هالسالفة لاني احتقرها بس اعرف شخص دريت عنه متعلف في جهال من قبل، بعدين تزوج وعاش حياته لان البنية خافت على روحها لو تكلمت لان تدري الشي بينقص من قدرها في عيون الناس وكأنما فيها شي عيب بس هو طبعاً شايل عيبه ويتزوج ماجنه صاير شي وسمعت عنه من اكثر من وحدة، فادري السالفة مو شلخة
 
  • Like
التفاعلات: tara
ما أجوفه ذكوري!
ويش الحق اللي مو مكفول إلى المرأة؟
حريتها؟ في ويش بالضبط؟ :)
وأجوف إذا مُنعت من شي فهذا خوفًا على كرامتها وأنوثتها كَإمرَأة..
وهنِي ما أعني التشدد، أقصد "بالحد المعقول"،
إذا المرأة بتفرض المجتمع على روحها هني بتضيع حقوقها
بس لمّا تفرض نفسها على المجتمع محد بيصير ضدها ما دام هي ماشية صح..واختياراتها وقراراتها في إيدها مو في إيد أحد..
مَثلًا.. لمّا طلع التعليم للبنات وصار الرفض، ويش اللي خلاه يستمر؟ لأنَّ المرأة في فرضت نفسها على المجتمع وليسَ المجتمع اللي يفرض نفسه عليها..!
إذا المرأة بتظلم نفسها فأنِي ما بظلم نفسي، أعرف حدودي وأعرف حقوقي، =)
​




​

جوفي ردي السابق
 
بان المرأة ما تقدر تواجهه المشاكل والعقبات والتحديات مثل الرجل كون في فروقات من الناحية الجسدية والعاطفية والعقلية الى حد ما

هاي خوش مثال بعد على شلون تفكير المجتمع ذكوري، وشلون النظرة للمرأة انتقاصية، وشلوون لما الوحدة تتكلم في حقوق المرأة مو معناته لا تدفنونها او خلوها تدرس
 
  • Like
التفاعلات: tara
بخصوص اني تركت الموضوع مثل ماتكرمتين وقلتين
اكيد ماأقبل الرد في حاله مجرد " حسيت " ان الكلام الي اتوجهه حقي يفتقر للذوق والذرابه
اي اوجه الكلام شخصياً لك
لأن انتين قلتين شغله مافيها ذوق حقي
معقوله يعني اروح اقول لمارد المصباح مثلا عن شغله انتي قلتينها
لا راح اواجه شخصك بالكلام
اكيد مافيها اهانه الي قلتينه / وانا ماتهتمش بتوجيه الاهانه ليي
ولا اتهمش بالاساءه حقي حتى
انا مجرد اصحح شغله حقش تتعلق بالذوق والذرابه
تتعلق بشنو ؟
بالذووق والذرابه
بصفتنا خوات " شنو فيها لو جيت قلت لش ان انتين قلتين شي مافيه ذوق ؟


هذا بخصوص الكلام الي انا " مصره " على ان يفتقر الى الذوق


---
اما بخصوص الموضوع
ولو تلاحظين ردي حبيبتي كان من بدايه الرد الى نهايته
كان هو مجرد : سؤال : وختمتها بـ " هذا الي تبوونه يابنات " ؟
انا كنت اسالكم فقط بموضووع المساواه في العقوووبه
ومثالي كان هو في صوره تساؤل
وليس في الموضوع ككل ، فقط في العقوبه او رد فعل المجتمع
لان اختي نارسيسيت يوم تتكلم اعطت مثال بتعلق برده فعل المجتمع في حاله الجنسين اخطأوا

الاخ ستايلش77 وصلته الفكره اعتقد ورد عليي ان اي هذا الي يبوونه مساواه في العقوبه عشان لحد يجيه الغبن
وهذا دليل على ان صار سوء فهم من طرفش عزيزتي لأن اكو غيرش فهمني

فاعيد واكرر ان لمن ماتوصلش الفكره مو معناته ان المرسل قال شي خطأ
معنااته ياعزيزتي ان ببساطه " انتين مافهمتينه "

راجعي احساباتك
شكرا على التفهم سلفاً

يفتقر للذوق والذرابة؟ من صدقش انتين؟ لاني قلتلش "مثالش مادري من وين جبتينه"؟ يعني اعتقد لو احد غير قايل نفس الجملة بتردين عادي بس واضح ان مو عاجبنش الرد مني شخصياً،
طبعاً اني ماوجهت لش كلام شخصي فماله داعي تطولين ردش بهالطريقة ادا ماعندش رد على الكلام الي وجهته لش في سياق الموضوع،
وماعتقد كلامش كان اصلا مو مباشر او فيه لبس عشان افهمه غلط، الي مكتوب قريته ورديت عليه،
وادا مصرة تخليني اشخصن الحوار، تره يعني مضحك انش تجودين على جملة عادية ولا كأنش معظم ردودش استهزائية،
وارد ارجع لش اني جبت طاري حقوق المرأة وردش ولو ان ماكان فيه اسمي بخصوص الناس الي ماوصلهم ابديت، اعتقد حسب مقاييسش لا جاف ذوق ولا ذرابة بس اني ما بجي بحاسبش وبقولش انتين وانتين، فيعني ادا بتنجرحين من كلام عادي طبقي الشي على نفسش اول
اتمنى انتين الحين وصلش الابديت بخصوص مفهوم حقوق المرأة، مو معناته دراسة وغيره، ولا تنسين ان فيه مثال حي السعودية واجد قريب منش مايحتاج تدورين بعيد :smile2:
 
  • Like
التفاعلات: tara
كل العادات الجاهلية تبرر باسم الغيرة و الشرف..يحبسون المرأة و يمنعونها من التعليم تحت مسمى الشرف أيضا...حتى وأد البنات باسم الغيرة و الحمية...

انا بالنسبة ليي انظر ليهم اثنينهم نفس النظرة..اثنينهم ارتكبوا خطأ كبير..و جريرة عظيمة..

بالضبط!!
كل الجرايم الي كانت تصير في حق المرأة كان عذرها الشرف،
فمادري شلون قاعدين تستخدمونه كعذر في هالوقت! تره حتى لما ماكانوا يعلمونها كان هاي السبب خايفين عليها وعلى شرفها، الى اخره، مايحتاج اكمل! مشكور انك وضحت ليش اني اجوف هالشي عذر واهي :smile:
 
مادري لين سمعتون بهالشي ولا لاء، والي قالوا مافي ظلم ضد المرأة الحين مادري بيقرون وبيعلقون ولا بيحقرون،
بس هالمقالة من الشهر الي طاف توها في البلد عن مقترحات المجلس القضائي، قانونياً الرجال الي يغصب الممارسة الجنسية على زوجته او بكلمة ثانية (يغتصب) زوجته، قانونياً لا يحاسب ومايعتبر غلطان
ثانياً، الرجال الي على كما ذكر في المقال "يؤدب" مرته، وندري شقصدهم طبعاً الي بيكفخها لان سوت شي ماعجبه، بعد يكون فوق القانون ولا يحاسب او يعتبر غلطان



In this day and age, to justify any form of rape is just disgusting and extremely appalling!
 
  • Like
التفاعلات: tara
واضح ان النقاش مابيوصل الى نتيجة .. كلا الفريقين متمسكين برأيهم

أقترح طرح موضوع جديد
 
بالضبط!!
كل الجرايم الي كانت تصير في حق المرأة كان عذرها الشرف،
فمادري شلون قاعدين تستخدمونه كعذر في هالوقت! تره حتى لما ماكانوا يعلمونها كان هاي السبب خايفين عليها وعلى شرفها، الى اخره، مايحتاج اكمل! مشكور انك وضحت ليش اني اجوف هالشي عذر واهي :smile:

مجر رأي ..
التطبيق الخاطئ بحد ذاته شيء غير صحيح، كذلك ترك مسألة الشرف لأن البعض ما عرف يطبقها غير صحيح ..
إذاً التطبيق الخاطئ و الإسلوب المتَّبع عن البعض ما يلغي سالفة الشرف وأهميتها في المجتمع الإسلامي ..:smile2:

 
مجر رأي ..
التطبيق الخاطئ بحد ذاته شيء غير صحيح، كذلك ترك مسألة الشرف لأن البعض ما عرف يطبقها غير صحيح ..
إذاً التطبيق الخاطئ و الإسلوب المتَّبع عن البعض ما يلغي سالفة الشرف وأهميتها في المجتمع الإسلامي ..:smile2:

وليش المجتمع مايهتم بشرف الرجل بنفس الطريقة التحكمية؟ المشكلة في طرق التعامل مع المرأة وانتقاص مسؤوليتها بنفسها بحجة الخوف عليها يعني باختصار الرجال يقدر يعتمد على نفسه ويتصرف ويقرر بروحه بس انتين هبلة ماتعرفين فبنقرر احنه عنش.
موضوع الشرف شي ادا الانسان تربى على خط معين واقتنع فيه فاعتقد له حرية التصرف في مرحلة من حياته، ممكن ادا الانسانة انعطت حريتها ماتتصرف بالطريقة الي تعجب الكل، بس هاي حقها وقرارها، واعتقد الاجبار عمره مايكون خيار سليم ادا بتظل تمشي على خط معين في داخلها مو مقتنعة فيه، ماعتقد هاده الهدف من الدين، باختصار هل تعتبر ان القيود الكثيرة الي فارضنها المجتمع على المرأة ليها مبرر؟
المجتمع عنده جزء من الشرف اني ماتاخر برا بيتنا حتى لو ماكنت في مكان مو زين او اسوي شي غلط، معن تفكيرهم غلط بس عندهم هالشي ناحية من نواحي الشرف، ماتجوف المفروض ادا المبدأ اساساً غلط مفروض ينحقر ويتغير؟
وارد اكرر الشرف مو محصور على جنس معين
 
وليش المجتمع مايهتم بشرف الرجل بنفس الطريقة التحكمية؟ المشكلة في طرق التعامل مع المرأة وانتقاص مسؤوليتها بنفسها بحجة الخوف عليها يعني باختصار الرجال يقدر يعتمد على نفسه ويتصرف ويقرر بروحه بس انتين هبلة ماتعرفين فبنقرر احنه عنش.
موضوع الشرف شي ادا الانسان تربى على خط معين واقتنع فيه فاعتقد له حرية التصرف في مرحلة من حياته، ممكن ادا الانسانة انعطت حريتها ماتتصرف بالطريقة الي تعجب الكل، بس هاي حقها وقرارها، واعتقد الاجبار عمره مايكون خيار سليم ادا بتظل تمشي على خط معين في داخلها مو مقتنعة فيه، ماعتقد هاده الهدف من الدين، باختصار هل تعتبر ان القيود الكثيرة الي فارضنها المجتمع على المرأة ليها مبرر؟
المجتمع عنده جزء من الشرف اني ماتاخر برا بيتنا حتى لو ماكنت في مكان مو زين او اسوي شي غلط، معن تفكيرهم غلط بس عندهم هالشي ناحية من نواحي الشرف، ماتجوف المفروض ادا المبدأ اساساً غلط مفروض ينحقر ويتغير؟
وارد اكرر الشرف مو محصور على جنس معين

بعض الأهالي يتحكمون في الرجال مثل المرأة .. قلت في رد سابق أن هذا الأمر يعتمد على وعي الأهل والمجتمع وشلون يتعاطون في هذي الأمور ..
الشرف في الأساس جاي من ناحية تقييم المجتمع للفرد -
العرض أهم من سالفة الشرف وهذا اللي قصدته في أحد ردوري:nosweat:-، فشي طبيعي لما الشخص يبي شرف زين يسوي الشغلات المتعارف عليها في المجتمع اللي عايش فيه أو العكس .
طبعاً مو كل القيود المفروضة في المجتمع ليها مبرر في وقتنا الحالي أكيد كان في سبب أدى لظهورها، وعلى المثال المطروح كان قبل كل الشغلات الموزينه تستوي في الليل فصارت نظرة المجتمع أن الليل هو وقت هذي الشغلات ..
والشرف قبل و لازال في بعض المناطق مرتبط بالرجل أكثر من المرأة مع انه متوافر للطرفين .:RpS_tongue:
 
اي، طبعاً الي بيخاف على بناته يخاف على ولده في نفس الوقت لان ياما بنات سافروا واعتمدوا على نفسهم ورجعوا وتوظفوا، وياما صبيان اندفع ليهم فلوس عشان يروحون يتلعبون برا فماعتقد فيه قانون يمشي هني بنية وصبي، الي مابيرضى لان يخاف عليهم ثنينهم ومايحس يقدر يتحمل فراق احد من ولاده ولو ان فيها انانية ان يحطم طموح شخص على شغلة في ايده يقدر عليها عشان مصلحة شخصية ولو كانت عاطفة مو غلط، بس بعد ادا الشخص مقرر والاهل قادرين بس يرفضون بس عشان مايتحملون ولادهم في ديرة وهم في ديرة مو شي صائب، بس الي بيوافق ولده يدرس برا وبيرفض بنته تدرس برا "لانها بنت" هاي الي ما اتحمله


هذا يعتمد على رغبة الشخص في الدراسة ،فالصبي المجبور على الدراسة ما راح ينتج لو وين كان وحتى البنت نفس الشي والعكس صحيح
 
الشعب يريد ..

باغلاق هالموضوع اللي ما له اي رايي بالنهااية

فلذالك تييبون لنا او تطرحون لنا موضوع يديد ..

ونكون شاكرين لكم :RpS_glare:
​
 
محد جاب طاري الدفن، مو بس لان الحين المراة ماتندفن يعني خلاص سالفة السفر الي تناقشت هني مثال واحد، ولو اني لو بتكلم مابخلص، سالفة ان المرة ماتسوق في السعودية وماتسافر الا بمحرم شي ثاني، سالفة ان مفكرين الدين كلهم رجال وهالشي له تأثير على تفسير القرآن ونواحي الدين من ناحية ذكورية تامة، ولاتقول لي هالشي مستحيل يكون له ولا تأثير ولا نقطة هاي سالفة ثالثة، سالفة ان "الصبي شايل عيبه" بعد موضوع ثاني، سالفة ان المجتمع كله ينظر للمرأة انها اولاً عورة لازم نحميها ونحافظ عليها ويجيك بطريقة (جوهرة، كرامة، شرف) وجنها لعبة في ايدهم او طلبت منهم تعالوا احموا شرفي، يعني بنتحكم فيش بس نبي مصلحتش مو معناته لما يجيني مثال جدي بيعجبني الشي، لان هاي فيه انتقاص من المرأة كانسانة وجنها ماتقدر تتخذ قراراتها التفكير السائد ان المرأة كان ضعيف وحساس ولازم نحمي مشاعره بعد، سوالف واجد تحتاج امثلة ماقدر اجيبها الحين موضوع ان لما وحدة تتاخر يكلمونها رجعي لان عيب بنية برا لهالوقت حتى لو هي اصلا مو قاعدة تسوي شي غلط، لكن الصبي له الحرية التامة في روحاته وجياته وطلعاته لو البنية تنصاد تكلم صبي في فترة من فتراتها تطيح من عيون الكل ماجنه الانجذاب للجنس الاخر او فترة المراهقة فترة الكل يمر فيها، لكن لو الصبي شينصاد عليه بيقولون شايل عيبه وبيتغير ونزوة الخ شخصياً ولو اني ماحب اذكر هالسالفة لاني احتقرها بس اعرف شخص دريت عنه متعلف في جهال من قبل، بعدين تزوج وعاش حياته لان البنية خافت على روحها لو تكلمت لان تدري الشي بينقص من قدرها في عيون الناس وكأنما فيها شي عيب بس هو طبعاً شايل عيبه ويتزوج ماجنه صاير شي وسمعت عنه من اكثر من وحدة، فادري السالفة مو شلخة

1-اللي باللون الاحمر ما فهمت شنو تقصدين ؟
2-تتكلمين على مستوى البحرين مثل ما كان في النقاش والا على مستوى الدول العربية والا الاسلامية والا العالم ؟؟
3-اذا لم تأمن علی نفسها فلا یجوز سفرها
اذا كان تفسيرش الى ان الرجال شايل عيبه بمعنى ان ذنوبه تغتفر بخلاف المرأة فاختلف وياش في هالشي وراح اسألش سؤال انتين او اي شخص يتفق وياش في هالرأي
لو تقدم لش رجال صاحب سوابق هل راح تقبلينه ؟
التاخير في الليل فمثل ما قال اخويي Noise-X ان عرفا بان وقت الليل هو وقت الذروة للشغلات المخلة بالادب على هالاساس الناس تتحسس من هالشي ،لكن اكو في بنات شكثر ممرضات ودكاترة مثلا يداومون لاوقات متاخرة ما اشوف احد تكلم عليهم بشي :rolleyes2:
ونقطتش لو صادوا الولد او البنت مع احد فاتمنى تجاوبيني على سؤالي الا فوق وراح تردين على نفسش بنفسش ،اما مثالش فشدخلها اذا كان زوجها شخص مو محترم وهو الا مارس الغلط ؟ وهالشي قبل زواجها والا بعده ؟
 
هاي خوش مثال بعد على شلون تفكير المجتمع ذكوري، وشلون النظرة للمرأة انتقاصية، وشلوون لما الوحدة تتكلم في حقوق المرأة مو معناته لا تدفنونها او خلوها تدرس

بطبيعة الحال في اشياء ذات طابع رجولي وامور اخرى ذات طابع انثوي ، فاللي كنت اقصده ان بعض الامور ترى ما تناسب حواء مو كل شي !
 
التعديل الأخير:
مادري لين سمعتون بهالشي ولا لاء، والي قالوا مافي ظلم ضد المرأة الحين مادري بيقرون وبيعلقون ولا بيحقرون،
بس هالمقالة من الشهر الي طاف توها في البلد عن مقترحات المجلس القضائي، قانونياً الرجال الي يغصب الممارسة الجنسية على زوجته او بكلمة ثانية (يغتصب) زوجته، قانونياً لا يحاسب ومايعتبر غلطان
ثانياً، الرجال الي على كما ذكر في المقال "يؤدب" مرته، وندري شقصدهم طبعاً الي بيكفخها لان سوت شي ماعجبه، بعد يكون فوق القانون ولا يحاسب او يعتبر غلطان



In this day and age, to justify any form of rape is just disgusting and extremely appalling!

من ناحية شرعية فواجب على المرأة تلبية طلب زوجها في هذا الجانب الا في حالات استثنائية ،وشغلة التأديب فالاسلام تدرج فيها ما جا مرة وحدة وقال كفخها وله حدود معينة في الضرب مو ان ياخذ راحته:RpS_huh:
(واللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلًا إِنَّ اللّهَ كَانَ عَلِيًّا كَبِيرًا)
 
كل واحد مصمم على رايه و يقول ان اهوه الصح
باختصار >>> حتى لو تتناقشون سنة كاملة مابيتغير شي

تكتبون ردود شطووول --- محد يقنع الثاني بوجهة نظره و ماتستفيدون شي
:RpS_sleep:



من عنده موضوع يديد و خاطره يفتحه
:whistling:​
 
سؤال لتلطيف الجو

كَثُر العتب هذي الأيام على البنت الي توها متزوجه و ما تعرف تطبخ ..
شنو المشكلة لو صار آدم هو اللي يطبخ في المزل بدل حواء ؟ <<
على طول مو فترة زمنية :RpS_tongue:
 
احين دور الهواش على من يطبخ احسن

الريال او المره
:RpS_lol:​
 
عودة
أعلى أسفل