موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

حوار ساخن بين آدم و حواء ....

الموضوع وصل لمرحله الخطر
بسبب ان البعض قام يتناقش حتى بالمُسلمات < بضم الميم
وحتى لو تجيب ليه آيه قرآنيه او دليل شرعي مايقتنع ،
ويصر ان تكون ليه نظره خاصه بخصوص الموضوع

ياخوفي نوصل لمرحله حتى " صلاة الصبح" يصير موضوع للنقاش
صلاة الصبح بين المؤيدين والمعارضين
والله مااستغرب لو وصل الموضوع لهدرجه
وعادي جداً احد يقول " والله عن نفسي اشوف وقت صلاة الصبح غير منااسب ولو يدزونها شوي للضحى راح يكون افضل "
.البعض يبي يتناقش في كل شي
كلللش مااستغرب لو صار هالحجي اهني
لأن بكل بساطه البعض مايعرف في شنو مسموح ليه ان يناقش فيه


في حدود وقيود حتى في اختيارنا للمواضيع مالت النقاش
بكوننا مسلمين مانقدر كل شي نناقش فيها وصلت الفكره؟
 
محد جاب طاري الدفن، مو بس لان الحين المراة ماتندفن يعني خلاص سالفة السفر الي تناقشت هني مثال واحد، ولو اني لو بتكلم مابخلص، سالفة ان المرة ماتسوق في السعودية وماتسافر الا بمحرم شي ثاني، سالفة ان مفكرين الدين كلهم رجال وهالشي له تأثير على تفسير القرآن ونواحي الدين من ناحية ذكورية تامة، ولاتقول لي هالشي مستحيل يكون له ولا تأثير ولا نقطة هاي سالفة ثالثة، سالفة ان "الصبي شايل عيبه" بعد موضوع ثاني، سالفة ان المجتمع كله ينظر للمرأة انها اولاً عورة لازم نحميها ونحافظ عليها ويجيك بطريقة (جوهرة، كرامة، شرف) وجنها لعبة في ايدهم او طلبت منهم تعالوا احموا شرفي، يعني بنتحكم فيش بس نبي مصلحتش مو معناته لما يجيني مثال جدي بيعجبني الشي، لان هاي فيه انتقاص من المرأة كانسانة وجنها ماتقدر تتخذ قراراتها التفكير السائد ان المرأة كان ضعيف وحساس ولازم نحمي مشاعره بعد، سوالف واجد تحتاج امثلة ماقدر اجيبها الحين موضوع ان لما وحدة تتاخر يكلمونها رجعي لان عيب بنية برا لهالوقت حتى لو هي اصلا مو قاعدة تسوي شي غلط، لكن الصبي له الحرية التامة في روحاته وجياته وطلعاته لو البنية تنصاد تكلم صبي في فترة من فتراتها تطيح من عيون الكل ماجنه الانجذاب للجنس الاخر او فترة المراهقة فترة الكل يمر فيها، لكن لو الصبي شينصاد عليه بيقولون شايل عيبه وبيتغير ونزوة الخ شخصياً ولو اني ماحب اذكر هالسالفة لاني احتقرها بس اعرف شخص دريت عنه متعلف في جهال من قبل، بعدين تزوج وعاش حياته لان البنية خافت على روحها لو تكلمت لان تدري الشي بينقص من قدرها في عيون الناس وكأنما فيها شي عيب بس هو طبعاً شايل عيبه ويتزوج ماجنه صاير شي وسمعت عنه من اكثر من وحدة، فادري السالفة مو شلخة
محد جاب طاري الدفن، مو بس لان الحين المراة ماتندفن يعني خلاص سالفة السفر الي تناقشت هني مثال واحد، ولو اني لو بتكلم مابخلص، سالفة ان المرة ماتسوق في السعودية
تتكلمين على مستوى البحرين مثل ما كان في النقاش والا على مستوى الدول العربية والا الاسلامية والا العالم ؟؟


سالفة ان مُفَكرين الدين كلهم رجال وهالشي له تأثير على تفسير القرآن ونواحي الدين من ناحية ذكورية تامة
اللي باللون الاحمر ما فهمت شنو تقصدين ؟

وماتسافر الا بمُحرِم شي ثاني،
اذا لم تأمن علی نفسها فلا یجوز سفرها


ولاتقول لي هالشي مستحيل يكون له ولا تأثير ولا نقطة هاي سالفة ثالثة، سالفة ان "الصبي شايل عيبه"
اذا كان تفسيرش الى ان الرجال شايل عيبه بمعنى ان ذنوبه تغتفر بخلاف المرأة فاختلف وياش في هالشي وراح اسألش سؤال انتين او اي شخص يتفق وياش في هالرأي


لو تقدم لش رجال صاحب سوابق هل راح تقبلينه ؟

بعد موضوع ثاني،سالفة ان المجتمع كله ينظر للمرأة انها اولاً عورة لازم نحميها ونحافظ عليها ويجيك بطريقة (جوهرة، كرامة، شرف) وجنها لعبة في ايدهم او طلبت منهم تعالوا احموا شرفي، يعني بنتحكم فيش بس نبي مصلحتش مو معناته لما يجيني مثال جدي بيعجبني الشي، لان هاي فيه انتقاص من المرأة كانسانة وجنها ماتقدر تتخذ قراراتها التفكير السائد ان المرأة كان ضعيف وحساس ولازم نحمي مشاعره بعد،
"رديت على هالنقطة بس شكله انحذفت بالغلط في الرد الاصلي"
:nosweat:
اكيد ان المرأة عورة وجوهرة وكرامة وشرف وما في احد بيختلف على هالشي ،الهدف من هالشي ابدا مو التحكم ولا التسلط لكن منطقيا على سبيل المثال لما تروحين محطة البترول ما تلاحظين لافتة التحذيرات "لا تستخدم الهاتف الجوال - لا تترك السيارة تعمل اثناء تعبئتها ..الخ" ليش يقولون جدي ؟ هل لان يبون يتحكمون فينا ؟؟ طبعا لا ،انما هذه تعتبر عوامل واسباب قد تؤدي لكوارث وانفجارات في محطة البترول والبترول سريع الاشتعال ! ،نفس الفكرة بالنسبة للمرأة فلما نحدد شنو اسباب المشاكل بنقدر نتفادها قد ما نقدر حتى نتجنب المشكلة من اصلها


سوالف واجد تحتاج امثلة ماقدر اجيبها الحين موضوع ان لما وحدة تتاخر يكلمونها رجعي لان عيب بنية برا لهالوقت حتى لو هي اصلا مو قاعدة تسوي شي غلط، لكن الصبي له الحرية التامة في روحاته وجياته وطلعاته
التاخير في الليل فمثل ما قال اخويي Noise-X ان عرفا بان وقت الليل هو وقت الذروة للشغلات المخلة بالادب على هالاساس الناس تتحسس من هالشي ،لكن اكو في بنات شكثر ممرضات ودكاترة مثلا يداومون لاوقات متاخرة ما اشوف احد تكلم عليهم بشي :rolleyes2:


لو البنية تنصاد تكلم صبي في فترة من فتراتها تطيح من عيون الكل ماجنه الانجذاب للجنس الاخر او فترة المراهقة فترة الكل يمر فيها، لكن لو الصبي شينصاد عليه بيقولون شايل عيبه وبيتغير ونزوة الخ شخصياً
ونقطتش لو صادوا الولد او البنت مع احد فاتمنى تجاوبيني على سؤالي الا فوق وراح تردين على نفسش بنفسش

ولو اني ماحب اذكر هالسالفة لاني احتقرها بس اعرف شخص دريت عنه متعلف في جهال من قبل، بعدين تزوج وعاش حياته لان البنية خافت على روحها لو تكلمت لان تدري الشي بينقص من قدرها في عيون الناس وكأنما فيها شي عيب بس هو طبعاً شايل عيبه ويتزوج ماجنه صاير شي وسمعت عنه من اكثر من وحدة، فادري السالفة مو شلخة
اما مثالش فشدخلها اذا كان زوجها شخص مو محترم وهو الا مارس الغلط ؟ وهالشي قبل زواجها والا بعده ؟




ضيفي جوابش على سؤالي في ردش الجديد اذا ما عليش امر حتى لا نتخربط :RpS_tongue:
 
إذا صلحت المرأة صلح الجتمع كله، وإذا فسدت المرأة فسد المجتمع كله.

مسك الختام :)
أطالب بموضوع جديد..!
 
موضوع جديد
شرايكم في ظاهرة ان احتفالات اعياد الميلاد سواء لجاهل او كبير قامت تصير لازم في صاله و معازيم و الخ حالها حال الاعراس ..يعني محد قام يقتنع بكيكه و لايم جهال العائله في بيتك امم الشي صار لازم على مستوى
مؤيد لو معارض و ليش
 
موضوع جديد
شرايكم في ظاهرة ان احتفالات اعياد الميلاد سواء لجاهل او كبير قامت تصير لازم في صاله و معازيم و الخ حالها حال الاعراس ..يعني محد قام يقتنع بكيكه و لايم جهال العائله في بيتك امم الشي صار لازم على مستوى
مؤيد لو معارض و ليش

تقريباً مخالف
من ناحية الحفلة اللي في البيت من ويش تشكي ؟!
و من ناحية اخرى المصاريف اللي راح تصير مو احسن يفتحون فيها حساب للجاهل حق مستقبلة

اما اذا كان كبير و يبي يسوي حفلة في الصالة اهني حدث و لا حرج
 
موضوع جديد
شرايكم في ظاهرة ان احتفالات اعياد الميلاد سواء لجاهل او كبير قامت تصير لازم في صاله و معازيم و الخ حالها حال الاعراس ..يعني محد قام يقتنع بكيكه و لايم جهال العائله في بيتك امم الشي صار لازم على مستوى
مؤيد لو معارض و ليش
الله يسلمج هالأيام بعض الناس يدورون المظاهر
يعني عادي يدفعون مبلغ وقدره بس عشان الجيران يقولون شوفو بيت فلان جم دفعو على حفلتهم وانهم من اصحاب المستويات الرفيعة :bleh:
ليش كل هالاسراف !
عيد الميلاد ما يبيله شي بس كيكة وشمعتين وقوطي بيبسي :RpS_tongue:

موضوع جميل للنقاش :smile2:
اتمنى ان يتناقشون هالمرة بدون هواش :whistling: !
 
موضوع جديد
شرايكم في ظاهرة ان احتفالات اعياد الميلاد سواء لجاهل او كبير قامت تصير لازم في صاله و معازيم و الخ حالها حال الاعراس ..يعني محد قام يقتنع بكيكه و لايم جهال العائله في بيتك امم الشي صار لازم على مستوى
مؤيد لو معارض و ليش

زايده فلوسهم P:
هالحركات اكثر شي لين الام والابو عندهم بس ياهل واحد ومخترعين فيه
حتى لو صار عمره سنه وحده يحتفلون حفله اشكبرها
الياهل لين يصير عمره سنه مايفهم مايدري شسالفه الحفله
يبدأ الفهم لهسوالف من عمر 3 سنوات تقريبا
اما في وحده مسويه ذاك اليوم حفله ولدها يوم صار عمره سنه
كسر خاطري الياهل فاتح عيوونه على مصرعيها متخرع مايدري شنو السالفه
وزانطينه بالكبوووس وهو فيه الصيحه على عمري مايدري وين الله حاطنه
والدي جي ردح ومسوين ظلام والياااهل احسه يقووول " انااا وييين من انتتتم "
خاييف وهالشمووووع والي يرشش والي يبطط
وهو قعد يصيييح والله خاف مسكين :RpS_lol:
يعني سوو ليه حفله لين قعد يفهم لهلأمور أما من عمر سنه وحده وش دراه هوو :nosweat:

انا مع الشغلات العائليه طبعاً حتى في الخطبه والعقد والزواج احب الشغلات العائليه البسيطه
اكره المبالغه في هالامور

إلا في شغله وحده ارجح ان تكون حفله كبيره ألا وهي حفلات التكليف للبنات عند عمر 9 سنوات
مو حق شي ولا حق مظاهر ولا غيره
بس حق توصل رساله للبنت المكلفه ان في حدث عظيم قاعده تمر فيه
وهي شغله ماراح تتكرر الا مره وحده في عمرها كله
يعني ماهي حفله على كثر ماهي رساله تخليها تنتبه وتلتفت
ان الحين هي راحت في مرحله غير وصارت محاسبه امام الله
وعشان نزرع في داخلها ان الشي حلو والحجاب والصلاه وغيره اشياء حلوه تستحق الاحتفال

صحيح ان سنوياً يسوون حفل تكريم لكل منطقه
ولكن في الحقيقه مو كل البنات يكونون في وقت الحفله متكلفات
في بنات للحين ماصاروا 9 ولكن حاضرين بس جذي عشان لايطوفهم هههه
 
موضوع جديد
شرايكم في ظاهرة ان احتفالات اعياد الميلاد سواء لجاهل او كبير قامت تصير لازم في صاله و معازيم و الخ حالها حال الاعراس ..يعني محد قام يقتنع بكيكه و لايم جهال العائله في بيتك امم الشي صار لازم على مستوى
مؤيد لو معارض و ليش

يعني يحتفلون بعيد الميلاد "الله كريم" :99:

قبل ما نروح لسالفة إحتفال عيد ميلاد في صالة .. شنو الهدف من هذا الإحتفال بشكل عام !
إذا كان إلى الطفل و لمجرد تفريحه فلا الصالة ولا المعازيم بيفرحونه .. جم جاهل و كيكة تخليه ما ينسى هذا اليوم :RpS_tongue:
بالنسبة لشخص كبير مسوي إحتفال عيد ميلاده في صاله ! يحتفل على شنو بالضبط طاف من عمره سنة لو زاد عمره رقم ..
يعني السالفة مافيها إنجاز أو شيء يستحق الإحتفال وبهذه الطريقة .. يمكن وي العائلة أو الأصدقاء مو مشكلة كتغيير جَوْ.
بإختصار صارت المظاهر هذي الأيام تحكم كثير من التصرفات و بعض الناس تخليها عادات ليها ..
الإنسان في الأخير محاسب على كل حاجه يسويها .. إذا عندك زيادة بيزات خلها لأولادك أو تصدق بها :smile2:
 
موضوع جديد
شرايكم في ظاهرة ان احتفالات اعياد الميلاد سواء لجاهل او كبير قامت تصير لازم في صاله و معازيم و الخ حالها حال الاعراس ..يعني محد قام يقتنع بكيكه و لايم جهال العائله في بيتك امم الشي صار لازم على مستوى
مؤيد لو معارض و ليش
هذا الشي مأساة :nosweat::nosweat::nosweat:

أنا صراحة استغرب من الموضة اليديدة اللي طالعة .. واحد بشنبه ولحيته مسوي له عيد ميلاد !! يعني قبل لا يطلع برنامج الانستغرام محد يسوي لا عيد ميلاد ولا بطيخ .. والحين حدث ولا حرج .. ولا عيد الأم توها الناس تدري ان في عيد الام <<< كل هذي مظاهر ومفوشر ومالها داعي مع احترامي للشعب

اما موضوعش فبصراحة !! أول مرة أسمع عن هالشي .. لهالدرجة وصلت الناس لهالمستوى من السطحية !!! :nosweat::nosweat::nosweat:
 
" بَـذَخْ "

ناس تبي تعرس مو قادرة و ناس اعياد ميلادها بصالات ..
ما اقول الا الحمدلله والشكر ..​
 
" بَـذَخْ "

ناس تبي تعرس مو قادرة و ناس اعياد ميلادها بصالات ..
ما اقول الا الحمدلله والشكر ..

حكيم سوو عيد ميلادك في صاله وصور عيد الميلاد وحطة في الانستغرام
المشكلة مظاهر يا خوك الناس تحب المظاهر ..
:RpS_lol::RpS_lol::RpS_lol::RpS_lol::RpS_lol:

يعني نااس ما ادري شلون عيد ميلاد وصالة وو ...
تكفي كيكة ووجبة عشاء وفي البيت بعد او يتفقون مثلا
ان يكون عيد الميلاد بحديقة او على البحر يعني يتجمعون كلهم
اما صالة وش صااير !!!
او مثلا بالبيت انهم يشترون كيكة ويسوون عشاء ويطلبون عشااء من برة
واليااهل يعزم اصدقاائة واظن بيفرح بهاي الشي ...
واني من المعارضين اللي الكبار يسوون حفلة عيد ميلاد ..
اللحين وش كبرك وش عرضك يسوون لكم عيد ميلاد ...
خلاص كبرتون يعني لا حاجة الى عيد ميلاد عيد ميلاد وصالة
ما ادري تطنزون على روحكم انتون .. :RpS_lol::RpS_lol::RpS_lol::RpS_lol:
 
  • Like
التفاعلات: m.g.s
انتظروني شهر خمسة بعزمكم في.. هههه أمزح خلاص :)

الجاهل أصلًا أقل شي بيستانس، يعني ما يحتاج هالمظهر مال الترف اللَ يطلعونه للأوادم..! :/
 
واني من المعارضين اللي الكبار يسوون حفلة عيد ميلاد ..
اللحين وش كبرك وش عرضك يسوون لكم عيد ميلاد ...
خلاص كبرتون يعني لا حاجة الى عيد ميلاد عيد ميلاد وصالة
ما ادري تطنزون على روحكم انتون ..

ههههه لا يسمعونش امي وابوي
مساكين الكبار بعد ترا يمتلكون قلوب كالاطفال ويبون يستانسون ههههه
لا صدق حرام نكون جذي ضدهم ترا كفايه انهم شيبوا والي فيهم كافيهم p:
هي كيكه وكم صفقتين ووشمعه وصل الله وبارك
خلووهم خلووهم يستانسون يافديت الشيب الي في راسهم وييح قلبي

بس طبعاً ضد الصالات اكييد
في البيت ويه العايله
ولمن اقول العايله يعني الاسره
يعني الي يسكنون البيت بس مو شجره العايله كلها لااااا
 
حكيم سوو عيد ميلادك في صاله وصور عيد الميلاد وحطة في الانستغرام
المشكلة مظاهر يا خوك الناس تحب المظاهر ..
:RpS_lol::RpS_lol::RpS_lol::RpS_lol::RpS_lol:
هههههههههههه بسويها بصالة حجي كاظم .. تأمين 20 .. واذا خمينا الصالة يرجعون ال20 :RpS_lol:

بغض النظر عن العمر .. حفلة العيد ميلاد شيئ لطيف ..
بس مو لدرجة أحجز صالة ب1500 دينار عشان عيد ميلاد!! وصّــاير فالديرة؟!
​
 
هههههههههههه بسويها بصالة حجي كاظم .. تأمين 20 .. واذا خمينا الصالة يرجعون ال20

تحليل الشخصية ( بخيل )
اشكرني على تحليل شخصيتك من قدك اني احلل شخصيتك :blush-anim-cl:
 
والله كل شي جاي يصير بالفشار
يعني في وحده الله يستر عليها عندي ف الانستا
ولدت ، الحمدلله ع سلامتش وسلامة المولوده وخلاص!
لا
اول شهر حطت كيكه وتوزيعات وحاله
بنتي صار عمرها شهر
العمر كله !

الشهر الثاني
كيكه وتوزيعات وذبحه !

الشهر الثالث! بس عاد مصخت !
كيكه وتوزيعات و بالونات و :tears: ليش عاد

تالي تجي لك تتبجبج وتقول حسدوني
ومادري شفيني
وبنتي كله مريضه
ورجلي كله مفلس
و بيتنا كله مغبر
و غربل الله ابليس

والاخير يعني بني بحرون متى بتعقلون :sly:
​
 
تحليل الشخصية ( بخيل )
اشكرني على تحليل شخصيتك من قدك اني احلل شخصيتك :blush-anim-cl:
شكراً شكراً على التحليل :shiny:
هههههه كنت امزح خوك, مو سالفة بخل ..
تقدرين تقولين ان عندي أولويات افصل أصرف عليها أهم من هالهرار بالنسبة لي
:WUB02:​
 
انتظروني شهر خمسة بعزمكم في.. هههه أمزح خلاص

ههههههه
و أنا بعد أختي بس تنتظر عيد ميلادي شهر ثمانية بس عشان أن تشتري كيكة وتسوي حركات
بس حلو الشي بين العايلة وتدخل البيت وانت ما تدري واهم يسوون لك عيد ميلاد تحس يعني في أحد مهتم
:RpS_lol::RpS_lol:
 
عودة
أعلى أسفل