حوار ساخن بين آدم و حواء ....

[G h a i d a]

ما أعتقد هذا الأمر لأن معظم البحرينين علاقاتهم مو كلش وي زوجاتهم
بس فترة الخطوبه

مشاكلهم وصلت للطلاق
اكيد زوجه عنيدة وتغربل

ليش يعيش حياته ممرمر
وهو يقدر ينساها وهي ما تستاهل يفتقدها

توني ملتفتة لمشاركاتش على هالموضوع
الرجال يرجع لمرته حتى لو بينهم مشاكل مو لان ما عنده بيزات ياخذ غيرها
خصوصا فترة الخطوبة ..
يمكن ما تدرين ان اذا للحين مخطوبين وانفصلوا ، لازم هي ترجع ليه كل فلس صرفه عليها لانهم للحين مو متزوجين .. اما اذا تزوجوا ماله حق يطالبها ..

ولعلمش بعد ، الرجال البحرينيين فيهم صفة حليوة : صبورين على زوجاتهم مهما كانت المشاكل اللي تجي من صوبها .. ما يوصلون للطلاق الا اذا خلاص فقد الامل ان في حل للموضوع ..
ولا تنسين خيو ترى الزواج حتى لو مو عن حب يولد مشاعر في القلب تجاه الطرف الثاني ! الله يقذف المودة والرحمة في قلوب المتزوجين بالفطرة .. فلو واحد منهم ابتعد عن الثاني بيفقده وبيحس بقيمته حتى لو بينهم مشاكل الدنيا ..
يمكن في حالات الخيانة او الجرح العاطفي العميق هو اللي يولد الكبرياء ويخلي الواحد يبتعد للابد ..

في النهاية الارتباط بشخص برابطة الزواج مو مجرد توقيع ع الورق ومهر يندفع وحفلة ..

 

[G h a i d a]

لا تأخذون العاطفة واجد

العواطف بين الزوجين تحل اصعب الازمات
اني انسانة مصنوعة من مشاعر في الاساس

 

[نجمة تشرين]

بالنسبة للسؤال اذا رفضته يعني مو مقتنعه فيه فلا يتعب روحه من جديد...

و تعليقا على مناقشاتكم الجانبيه و من خلال خبرتي في العمل بغض النظر عن خبرتي في الحياة الزوجيه لانه انا متزوجه من سنتين تقريبا

ترى حاليا و الوقت الحالي
نادرا اذا كان الطلاق بسبب

كله هرار و عناد من الطرفين و نفخة خشم
ما في واحد منهم يتغاضى

حاليا صعب تشوفين شخص يفهم ان المشادات تكون مثل الحبل
اذا طرف شد طرف ثاني لازم يرخي

من اول مشادة تقول صدمها و كان غير و م اقدر اعيش اياه و الحياة صعبه و تأزم نفسها

ينسون كل ايامهم الحلوة
في ناس واقعا تصير بينهم مشاكل عودة مو صغيرة بس يرجعون المياه لمجاريها لانه يتذكرون لحظات جميلة و طفيفة مرت بينهم

و مثل ما قالت غيداء من ينعقد العقد تولد مشاعر بالفطرة
هالمشاعر كفيلة تحل اعقد الامور

بس المشكلة البنت تتخيل ان الزواج بيوقف من بعد الحفلة او من بعد تعارف الخطوبة

ترى باسلوبش تقدرين تخلين كل سنين حياتش مثل فترة الخطوبة
و لصبي هم بعد مثل الشي

محد منهم قام يعرف واقعا ان كلا الطرفين عايش في بيئة مختلفة عن الثانية كل واحد يبي يجر الثاني يتعايش مثل بيئته و ذه الغلط
شوفوا القبلين شلون تعايشوا و خلقوا نظام جديد لحياتهم و كونوا بيئة مزدوجه من بيئاتهم

انتو لو تشوفون هالمشاكل الا تتحذف و توصل في المراة ان تخلع او يطلق بسبب اهبل مع احترامي
لو ما عناد الطرفين جان كلشي ينحل
و تدخل الاهل بعد اي مشكلة راحوا تشكوا صبروا حلوا الشي بينكم

 

[نجمة تشرين]

وبعد عشرين سنه ..بتذكروني

لا تخلين كلام الناس مقياس لانهم يقصون عليش
عيشي الحياة و عقب قرري

 

[G h a i d a]

انتو لو تشوفون هالمشاكل الا تتحذف و توصل في المراة ان تخلع او يطلق بسبب اهبل مع احترامي
لو ما عناد الطرفين جان كلشي ينحل
و تدخل الاهل بعد اي مشكلة راحوا تشكوا صبروا حلوا الشي بينكم

الشي راجع الى ضعف الوعي والثقافة من هالناحية بشكل كبييير .. وبعض الامهات الله يهديهم ما يفهمون بناتهم معنى الزواج الحقيقي .. وتجي تحرضها على زوجها وبدون ما تحس او تقصد تخرب بدل ما تصلح : قولي ليه يعطيش مصروف اكثر .. ليش يسوي جذي لا ترضين .. لا تسكتين .. لا تسمحين ليه .. لا تتنازلين .. انتين مو اقل من غيرش .. شوفي فلانة خطيبها وش سوى ليها .. اكو علانة زوجها اخذ ليها وعطاها ووداها انتين احسن منها بشنو ..
وغيرها من الاشياء اللي مثل ما قلتين تخلي الوحدة تنسى ايامها ولحظاتها الحلوة ويا خطيبها او زوجها وكل اللي سواه ليها وتركز ع اللي ما عندها وعند غيرها ..

 

[نجمة تشرين]

الشي راجع الى ضعف الوعي والثقافة من هالناحية بشكل كبييير .. وبعض الامهات الله يهديهم ما يفهمون بناتهم معنى الزواج الحقيقي .. وتجي تحرضها على زوجها وبدون ما تحس او تقصد تخرب بدل ما تصلح : قولي ليه يعطيش مصروف اكثر .. ليش يسوي جذي لا ترضين .. لا تسكتين .. لا تسمحين ليه .. لا تتنازلين .. انتين مو اقل من غيرش .. شوفي فلانة خطيبها وش سوى ليها .. اكو علانة زوجها اخذ ليها وعطاها ووداها انتين احسن منها بشنو ..
وغيرها من الاشياء اللي مثل ما قلتين تخلي الوحدة تنسى ايامها ولحظاتها الحلوة ويا خطيبها او زوجها وكل اللي سواه ليها وتركز ع اللي ما عندها وعند غيرها ..

مو بس الامهات
حتى الصديقات
او هي من مناظرها للناس تشوف وش عند غيرها خوب السوشيل ميديا مو مقصر في هالامور
و تقارن بنفسها و تنسى كل حسنات زوجها مقابل شي بسيط ما سواه ليها

و غير عن ذلك من كثر ما تسمع البنت قبل الزواج
لرجال جذي فلانه صادها جذي
فالبنت تكون عندها ردت فعل ما يتكون في حالة استقرار عاطفي يخليها توثق
دائما تحس ان زوجها بيوجه لها الضربة القاضيه
دائما اي تصرف يسويه تستنتج اسوء ظرف
فمع سوء الظن الحياة تخترب

كثير من الموكلات الا يبون يرفعون قضايا على ازواجهم
تقول في وجهش اني اعرفه بيسوي نفس زوج فلانه و بيظلمني
و هو ما سوا كله استنتاجات بناء على علاقات الغير

و المشكلة اي مشكله سيدة محاكم و يصيرون اعدااء
و يعكسون العداوة على غيرهم
يكون بينهم تحدي
الرجال مثل ما تركتي و حرمتني من استقراري براويها
و هي مثل ما جرحني انا الا اطلع الشي من عيونه لازم ابهدله
و الخ

 

[المهندس عبدالله]

أصابع أيدك مو سوى..
في أزواج زوجاتهم دايسين على كرامتهم وهم ساكتين (هي فاشلين عاد )..
وفي أزواج زوجاتهم بتعبيرنا العامي "جلاب" ما ينأخدون بالطيب ومع ذلك محافظين عليهم ومعززينهم (هذا الصبور)
والعكس صحيح بعد

على العموم، ما يصير تحكمون على أحد بنائًا على الإحصاءت أو بعض السيناريوهات المتكررة

* لحظة ويش وصلنا لهل حجي ما عليه حشر مع الناس عيد

 

[مارد المصباح]

اي
عجل ؟ يمبيها و في ألف وحدة مثلها

اتفق خيو ويا كلام اغلبية الاعضاء ،السبب الحقيقي ترى مو مادي !

وترى لمعلوماتش ،الزواج الثاني اسهل ماديا من الاول ! ليش ؟
لان بكل بساطة الرجال في زواجه الاول وفر "شقة ،اثاث ،احتمال سيارة لزوجته -طليقته-" + يشتغل المفروض في وظيفة زينة فما اعتقد انه بيحتاج هذيك الفترة الطويلة يعني على ما يقدر يجمع مهر زوجه ثانية

ولكن الامور في نظري اكبر واهم واولى من الماديات ،احيانا تصير مشاكل بين الزوجين وهذا شيء طبيعي بين اي اثنين حتى لو صديقين مقربين لو ولد/بنت مع ابائهم وو ،فاذا في فترة الطلاق احد الطرفين انتبه لغلطه وحب يصححه ،او حس بالنقص والفراغ العاطفي مثلا تجاه الاخر ،او احيانا تطلع الزوجة حامل مثلا او اوردي عندهم اولاد فيرجعون عشان ما تشتت اولادهم
واحيانا اخرى قد تدخل وساطة من الطرفين وتحل النزاع الا بينهم >
وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِنْ أَهْلِهِ وَحَكَمًا مِنْ أَهْلِهَا إِنْ يُرِيدَا إِصْلاحًا يُوَفِّقِ اللَّهُ بَيْنَهُمَا إِنَّ اللَّهَ كَانَ عَلِيمًا خَبِيرًا.



*مو استنقاصا فيش ابدا ابدا حتى لا تفهميني غلط
هل عمرش انتين +40 يعني الا تقولين لينا بنفهم هالشيء عقب 20 سنة ؟

ممكن ممكن يعني في نماذج بصورة سلبية حواليش بس هذا ما يعني ان اغلبية المطلقين يفكرون بنفس الطريقة ​

 

[رَحِيــلْ ،]

بتفهميني إذا كبرتين

إن شاء الله برجع لش إذا جه نصيبي وعشت وياه وكبرت وبجوف حزتها فهمتش أو لا..

 

[NoOony.A]

ما أعتقد هذا الأمر لأن معظم البحرينين علاقاتهم مو كلش وي زوجاتهم
بس فترة الخطوبه

مشاكلهم وصلت للطلاق
اكيد زوجه عنيدة وتغربل

ليش يعيش حياته ممرمر
وهو يقدر ينساها وهي ما تستاهل يفتقدها

مو الكل عموماً

خلف كل رجل عظيم إمرأة عظيمة

لو على كلامش ، كان نسبة الطلاق تجاوزت 99%

المرأة الذكية تعرف شلون تحل مشاكلها و تتوافق و تتكيف مع حياتها و تعالج سلبياتها
لأن ما اعتقد طالق كلمة جميلة و وحدة بتستانس اذا سمعتها او حتى رجال بيقولها ببرود بس صارت مشكلة، بس لانها عنيدة، بس لانها جذي و جذي

أني أتكلم عن الأشخاص الناضجين الفاهمين

مو عن جهال ماعرفو لحياتهم و كل كلمة و الثانية بطلق او بشوف غيرها او ماتستاهل وووالخ
هذا كلام جهالة

 

[NoOony.A]

اتفق خيو ويا كلام اغلبية الاعضاء ،السبب الحقيقي ترى مو مادي !

وترى لمعلوماتش ،الزواج الثاني اسهل ماديا من الاول ! ليش ؟
لان بكل بساطة الرجال في زواجه الاول وفر "شقة ،اثاث ،احتمال سيارة لزوجته -طليقته-" + يشتغل المفروض في وظيفة زينة فما اعتقد انه بيحتاج هذيك الفترة الطويلة يعني على ما يقدر يجمع مهر زوجه ثانية




*مو استنقاصا فيش ابدا ابدا حتى لا تفهميني غلط
هل عمرش انتين +40 يعني الا تقولين لينا بنفهم هالشيء عقب 20 سنة ؟

ممكن ممكن يعني في نماذج بصورة سلبية حواليش بس هذا ما يعني ان اغلبية المطلقين يفكرون بنفس الطريقة ​

حتى الفقراء تلاقيهم عندهم 4 بعد مو بس ثنتين
و يمكن يجيك واحد مقتدر و عنده خير مكتفي بوحدة، لان هالوحدة عرفت اشلون تكفيه و تكون المرأة العظيمة بنظره و مايشوف غيرها

يعني ع سبيل المثال أعرف شخص قريب
عنده خير ماشاالله
صار له اكثر من 30 سنة ماتزوج غيرها و فوق هذا مرته ماتجيب عيال العيب فيها
كل وحدة و ذكائها في حياتها الزوجية

يعني مو سالفة مادة و بيزات
عادي واحد لو يبي 4 عادي دام حاط في بالي 4 يعني بياخذ4 حتي لو كان ما عنده او فقير، و خصوصا في بنات واجد يتنازلون

…… .
ذبحتني مارد

 

[المهندس محمود]

ما أعتقد هذا الأمر لأن معظم البحرينين علاقاتهم مو كلش وي زوجاتهم
بس فترة الخطوبه

مشاكلهم وصلت للطلاق
اكيد زوجه عنيدة وتغربل

ليش يعيش حياته ممرمر
وهو يقدر ينساها وهي ما تستاهل يفتقدها

ما اتفق وياش.
يمكن عندش تجارب متعددة تدعم فكرتش،
لكن تبقى هالتجارب نقطة في بحر التجارب الناجحة الموجودة في المجتمع.

 

[المهندس عبدالله]

ما اتفق وياش.
يمكن عندش تجارب متعددة تدعم فكرتش،
لكن تبقى هالتجارب نقطة في بحر التجارب الناجحة الموجودة في المجتمع.

+1
لتبني قرارك حول صحة رأي من الأراء يجب عليك أن تنظر إليه من كل جوانبه (النجاح، الفشل، الأثار، الإعتبار،...) ثم تتخد قرارك

 

[ilshym]

بتفهميني إذا كبرتين

وايد فاهمين الأشياء غلط أحس !
فعلاً نجوف قصص مأساة و ننصدم ! بس مو معناته كل الناس جي يعني !
أول نقطة دائماً اسمعها الزواج سجن ! و كلهم يراكضون وراء الزواج ! سواء كانوا بنات او صبيان ! و كلهم يحلمون بهالشيء ! رغم انهم عايشين حياة سعيدة الا اذا احد سألهم يقولون سجن ! ليش ؟ لأن م يحسون بقيمة الشيء الا اذا تركوه !
ثانياً مو معناته نسمع قصص طلاق و غيره يعني كل الناس جذي !
ثالثاً اني اعتبر الشيء يعتمد ع البنية اكثر ، تقدر هي تحدد اذا الصبي يواصل وياها لو لا ! و حتى لو كانت بينهم مشاكل تقدر تهدي كل هالمشاكل لو فكرت بعقلها شوي ! صح مو كل البنات يفكرون بعقلهم ! بس في بنات واييييد يمكن ياخذون الشيء صدق بعاطفة ! بس مو الاغلبية ! وايد أعرف بنات صار لهم عشر سنين متزوجين و عايشين حياة سعيدة جداً! لو نتجاهل كلام الناس شوي جان تغير كل شيء !
لا تتخذون مشاكل الناس او تجاربهم نقطة سودة في حياتكم ، لان الشيء يختلف من شخص لشخص ،

 

[faty124]

اتفق تماما مع كلام مارد المصباح...
فعلا اغلب الاحيان السبب ما يكون مادي

 

[المهندس عبدالله]

حقويه ماكلينها
يمكن قصدها أن كله مشادات يعني حتى لو كانت ودية #حرب_باردة
بس هل شي يعني أشوفه طبيعي... هني عندي موضوع #إبليس
للبنات: لو كان زوجش (المستقبلي إذا مو متزوجة) دائمًا يتفلسف ويعني عنيد وفقيل راس ، بتفكرين في الطلاق؟
للشباب: لو زوجتك(المستقبلية إذا مو متزوج) لباية كله تنق ما تعرف تسكت "بالعة ريدو" وكله إنتقادات ليش جدي ووين الشسمة ومتى.؟ تفكر تطلقها؟

* أي شي مو مذكور في السؤال سو ليه assume

 

[إيقاع]

لو كان زوجش (المستقبلي إذا مو متزوجة) دائمًا يتفلسف ويعني عنيد وفقيل راس ، بتفكرين في الطلاق؟

مش سبب كافي للطلاق، خاصة بوجود حب، ود.. وعشرة! بس بفهمه إن هالأشياء اللي يسويها تضايقني وممكن تفسد استقرار عائلتنا.. وأترك الباقي له.

استغفر الله! وش فيني أتكلم جدي #انتَ_مش_انتَ.

لا ما بترك الباقي له.. مادري وش بسوي بالضبط بس ما توصل للطلاق.

 

[المهندس عبدالله]

مش سبب كافي للطلاق، خاصة بوجود حب، ود.. وعشرة! بس بفهمه إن هالأشياء اللي يسويها تضايقني وممكن تفسد استقرار عائلتنا.. وأترك الباقي له.

استغفر الله! وش فيني أتكلم جدي #انتَ_مش_انتَ.

لا ما بترك الباقي له.. مادري وش بسوي بالضبط بس ما توصل للطلاق.

وهي طرف الكلام... هي المشكلة بداية الكارثة

 

[المهندس عبدالله]

مثل ما يقولون

حجرة +حجرة = ما يلتصقون
حجرة + تمرة = يلتصقون
تمرة +تمرة = يلتصقون

حيث ان حجرة تعني الشخص العنيد و التمرة الشخص اممم (غير عنيد)


اما اني اقول الي يحط راسه براسي بدي كسر ليه راسوا

#بصوت_سعاد_الي_في_باب_الحارة

#امزح

محد يحط راسه براسش الشيخة


** راي أحتفظ أبه للأخير

 

[إيقاع]

وهي طرف الكلام... هي المشكلة بداية الكارثة

أعتقد إن هذا فن يجيده بعض الأشخاص في التعامل مع أزواجهم، ولا يجيده البعض الآخر.
ومش مجربة عشان أقدر أتوسع في الأمر.. فلو بتكلم بتكون مجرد افتراضات .