حوار ساخن بين آدم و حواء ....

[UOB-DESIGNER]

@أمواج
@المهندس عبدالله
انا راح اختم النقاش الحين
الحين بغض النظر...عن مسألة كون كلام الناس صار غيبة او لا ...كان فيه منفعة..او ما فيه منفعة

السؤال الا يحتاج لإجابة..

الفرد مو واجب عليه ان يدفع عن نفسه مواضع ذكر السوء او لا؟

 

[المهندس عبدالله]

الفرد مو واجب عليه ان يدفع عن نفسه مواضع ذكر السوء او لا؟

ما أختلف وياك.. و @أمواج تطرقت لموضوع مهم لازم ننتبه ليه كلنا..

ردي ككان عن هل يحق لي أمنعهم من إن يتكلمون؟! أي طبعًا.. تقدر ليش لا..

 

[الفـيـلـسـوف]

من وضع نفسه مواضع التهمة فلا يلومن من أساء الظن به

 

[أمواج]

بتخلطين لينا بين المتشددين وبين المتساهلين وبين المعتدلين ...فحزتها طبيعي ان رضا الناس غاية لا تدرك لكن...وبعض الاشياء مستحيل الناس تتفق عليها مثلا اي استر الدفة لو البالطو ..هل تؤيد ان البنت تلبس جينز او لا ..ما بتحصلين اتفاق على ها الامور بتحصلين ناس متشددين وناس متساهلين وناس معتدلين .لكن
في اشياء واضحة غير قابلة للنقاش عشان ناخد ونعطي فيها ..

خلش من مسألة التبرج..بعطيش مثال ثاني...افترضي انش قاعدة في الكلية وفجأة شفتين دكتور ودكتورة يتصافحون وبضحكة وابتسامة قدام الملأ والعالم.وكأنهم مو مسوين جريمة ...فطبيعي ان الناس راح تظهره استنكارها وبتثير الامر وبتتكلم عن الدكتور والدكتورة كردة فعل..عبارة كيف تسلمون على بعض؟ لو كانت المسألة ..مجرد سلام شفوي..بتمشي..لكن سلام مع مصافحة وضحكة امام الملأ كأن ما صار شي ..حزتها هل بينفع لما بتقولين لصديقاتش سكتوا ماليكم حق تتكلمون عليهم؟

هم الا حطوا روحهم في موضع ان الناس تتكلم عليهم و حزتها ما بتكون غيبة المتجاهر بالمعصية لا حرمة له ..في حدود ما ارتكبه...لو كانت المسألة مجرد سلام شفوي..دي بتمشي..لكن مصافحة قدام العلن بضحكة وابتسامة وكأنهم مو مسوين جريمة... حزتها هذا ما بيكون موضع اسكت لا تتكلم عليهم..
تسوي شي غلط قدامي وكأنك مو مسوي شي وتبغاني ما اجيب طاريك غير ممكن


اذا الطرف المقابل يسوي غلط امام الملأ وهو يدري انه مسوي غلط وما يبغي احد يتكلم عليه هذا يناقض نفسه

كلنا معرضين ان نخطئ ونذنب ويظهر أمر سيء منا
الأفضل كل واحد يشتغل بعيوب نفسه قبل لا يخلي عيوب الناس فاكهة مجالسه
حتى عالمثال الي طرحته ما اشوف ليه داعي يتكلمون عنهم
اذا احنا أعبنا ذنوب الناس وأخطاءهم هل نضمن نفسنا ما نقع بنفس الي هم واقعين فيه ؟
محد يقدر يبرىء نفسه ولا يضمن نفسه لوين تقوده
احمد ربك انك ما صرت مثلهم بفضله أحسن من تتكلم شفتون فلان وشفتون علان وادعي ليهم بالهداية

@أمواج ...الغيبة حرام..حتى لو كان الشخص الا نتكلم عنه راضي..بعد ما تسقط الحرمة..ومن جهة ثانية الشخص نفسه لا يعرض لروحه لموضع الغيبة...لكن المتجاهر بالمعصية ..هذا ماليه حرمة في حدود العمل الا يرتكبه

أكرر مثل الكلام : اوكي هو غلط ان أظهر شيء يجذب كلام الناس عليه .. بس بعد الغيبة تبقى غلط وممكن تجر لأغلاط أزيد خصوصا اذا كانت الشخصية معروفة
الاستنكار مو غلط .. الغيبة هي الي غلط ..لما يعتبر الكلام الي جلبته لنفسها غيبة معناه هذا الكلام غلط مهما كانت مبرراته

الله جعلنا وكلاء على نفسنا مو على الناس

اطرح على نفسك
الأول: أي المعاصي الي يقوم بها الانسان وتخليه في موقع لا حرمة له ؟ وهل هذي المعاصي انت منزه عنها ؟
الثاني: هل تقدر تجزم ان هذا الشخص الي قدامك متجاهر 100% بالمعصية وبداخله ما يأنبه ضميره على الي سواه لكن نفسه السيئة تغلبه ويرضى تتكلم عن أمره ؟

ولو فرضا بتقول ان حرمتها بهالذنب الفلاني أعتبرها مهتوكة وهي مجاهرة 100% بالمعصية وان الذنب لا يمكن انت تقوم ابه وهي راضية وتفتخر بعملها
نفترض جيت بتقول عن فلانة ما تلبس حجاب مثلا .. هل عادةً يكتفون بهالصيغة ويسكتون ؟!
لو يزيدون كلام ويكون الاسلوب للتعليق وفاكهة مجالس وشوي شوي ينقادون لأمور ثانية وهي ما تلبس حجاب لأن جدي وندخل بنواياها وغيره

وبشكل عام فضاوة وشيء مقيت انك تشتغل بذنوب غيرك.. شي يضايق الإنسان صراحة.. ويش بتستفيد لين تكلمت عنهم؟! اذا قصدك مو الإصلاح.. لويش تبون توصلون.. صراحة أحسه مرض

بالضبط، هذا الي بغيت أوصل له

@أمواج
@المهندس عبدالله
انا راح اختم النقاش الحين
الحين بغض النظر...عن مسألة كون كلام الناس صار غيبة او لا ...كان فيه منفعة..او ما فيه منفعة

السؤال الا يحتاج لإجابة..

الفرد مو واجب عليه ان يدفع عن نفسه مواضع ذكر السوء او لا؟

جاوبت هالسؤال وأكرره للمرة الثالثة : غلط ان أظهر شيء يجذب كلام الناس عليه
وقلت لك رسالتك فيها جانب صحيح من هالناحية
بيني وبينكم بالنسبة ليي الي يظهر بشكل ظاهره مثل باطنه أفضل من الي يظهر بشكل للناس وباطنه يختلف

 

[أمواج]

بما ان الموضوع هذا صار لنقاشات متعددة .. نقلت المشاركات الى اهني

 

[أمواج]

أسوء فترة تعيشها البنت هي الفترة الي يتقدمون لخطبتها فيها
فوق ان الموضوع مصيري .. بعد للأسف الناس صارت ما تتقيد بأي آداب للخطبة

- يتصلون ياخذون معلومات البنت ومواصفاتها كلها لكن ما فيه حق للبنت تاخذ أي معلومة عن الصبي قبل لا يقبل أول بمواصفاتها ، مو يمكن من اساس ولدكم ما يعجبها، وهذا حق للاثنين

- الصنف الثاني يعطون مواصفات الصبي لكن يتحفظون على اسمه بحجة عن لا يسألون عنه وينعرف انه اتقدم لبنت وما صار نصيب، هذي انانية ليش عجل تاخذون اسم البنية الكامل ؟ من حقكم تسألون عنها ويعرفون الناس متقدمين ليها بس مو حقها يسألون عنه الا عقب موافقة حضرته

- يتصلون ويجمعون مواصفات بنات عدة و يخيرون الصبي بينهم وكأن البنت سلعة يختارها وبالاخير عادي انه يرفض لمجرد اسمها ما دخل مخه ، لا تعليق

- يطلبون يشوفون البنت قبل لا يشوفها ولدهم عشان اذا عجبتهم بعدين يخلون ولدهم يقابلها بحجة ان ولدهم عنده شروط معينة وفي المقابلة بيستحي، يحسسوني بجي الصبي المقابلة بروحه مو هم اوردي وياه بيشوفونها ، ترى هو الي بيتزوج مو انتون

- يدخل الصبي مقابلة وما تعجبه البنية من ناحية مواصفات شكلية ويردون أهله ما فيه نصيب الصبي يبي كذا كذا وبتكم مو جدي، ما يحتاج تذكرون للبنية إن هذا السبب

- أهل الصبي يطلبون صورة البنية وما تعجبهم ويصكون الموضوع بدون أي تعليق كأنهم شايفين صورة بمجلة وطوفوا الصفحة

- يتقدمون للبنت وتنتظر اتصالهم اوكي او لا بس لكن ما فيه رد، عادي ترى تقولون ما فيه نصيب بس مو عادي بنات الناس يشغلون بالهم ينتظرون يمكن اسبوع وبالاخير ما فيه رد

- يدخل الصبي عدة مقابلات في مثل الفترة وبالاخير يختار فيه وحدة منهم عجبته او لا، ترى البنية انسان مو سيارة

هالتصرفات عايتنها و سمعت عنها و يمكن فيه غيرها بعد
اشوف هالأمور عيب تصير وأشوف انها من صور التقليل من قيمة بنات الناس


أبغي أفهم يعني الشباب يعرفون بهالتصرفات و يرضون بلي يصير ؟! هل فيه مبرر ؟
الأمر طبيعي أو اني حساسة زيادة عن اللزوم ؟

البنات، هل واجهتون مواقف حولكم مشابهة؟
شنو أفضل تصرف لهالفئات ؟

 

[المهندس عبدالله]

أسوء فترة تعيشها البنت هي الفترة الي يتقدمون لخطبتها فيها
فوق ان الموضوع مصيري .. بعد للأسف الناس صارت ما تتقيد بأي آداب للخطبة

- يتصلون ياخذون معلومات البنت ومواصفاتها كلها لكن ما فيه حق للبنت تاخذ أي معلومة عن الصبي قبل لا يقبل أول بمواصفاتها ، مو يمكن من اساس ولدكم ما يعجبها، وهذا حق للاثنين

- الصنف الثاني يعطون مواصفات الصبي لكن يتحفظون على اسمه بحجة عن لا يسألون عنه وينعرف انه اتقدم لبنت وما صار نصيب، هذي انانية ليش عجل تاخذون اسم البنية الكامل ؟ من حقكم تسألون عنها ويعرفون الناس متقدمين ليها بس مو حقها يسألون عنه الا عقب موافقة حضرته

- يتصلون ويجمعون مواصفات بنات عدة و يخيرون الصبي بينهم وكأن البنت سلعة يختارها وبالاخير عادي انه يرفض لمجرد اسمها ما دخل مخه ، لا تعليق

- يطلبون يشوفون البنت قبل لا يشوفها ولدهم عشان اذا عجبتهم بعدين يخلون ولدهم يقابلها بحجة ان ولدهم عنده شروط معينة وفي المقابلة بيستحي، يحسسوني بجي الصبي المقابلة بروحه مو هم اوردي وياه بيشوفونها ، ترى هو الي بيتزوج مو انتون

- يدخل الصبي مقابلة وما تعجبه البنية من ناحية مواصفات شكلية ويردون أهله ما فيه نصيب الصبي يبي كذا كذا وبتكم مو جدي، ما يحتاج تذكرون للبنية إن هذا السبب

- أهل الصبي يطلبون صورة البنية وما تعجبهم ويصكون الموضوع بدون أي تعليق كأنهم شايفين صورة بمجلة وطوفوا الصفحة

- يتقدمون للبنت وتنتظر اتصالهم اوكي او لا بس لكن ما فيه رد، عادي ترى تقولون ما فيه نصيب بس مو عادي بنات الناس يشغلون بالهم ينتظرون يمكن اسبوع وبالاخير ما فيه رد

- يدخل الصبي عدة مقابلات في مثل الفترة وبالاخير يختار فيه وحدة منهم عجبته او لا، ترى البنية انسان مو سيارة

هالتصرفات عايتنها و سمعت عنها و يمكن فيه غيرها بعد
اشوف هالأمور عيب تصير وأشوف انها من صور التقليل من قيمة بنات الناس


أبغي أفهم يعني الشباب يعرفون بهالتصرفات و يرضون بلي يصير ؟! هل فيه مبرر ؟
الأمر طبيعي أو اني حساسة زيادة عن اللزوم ؟

البنات، هل واجهتون مواقف حولكم مشابهة؟
شنو أفضل تصرف لهالفئات ؟

تعليق بسيط.. اذا ما عطوكم اسمه.. ردوه من أولها.. من ويش خايف يا أبو الدواهي #حقيقة

 

[إيقاع]

بعد للأسف الناس صارت ما تتقيد بأي آداب للخطبة

الناس؟ صح ممكن. بس ليش؟ لأن بعض البنات.. عفوا أغلبهم يسمحون بإهانة أنفسهم.
تعطين مواصفاتش لواحد ما تدرين من هو أصلا وما تعرفين حتى اسمه؟ شهالحجي الفاضي يعني اسمح ليي؟ ليش البنت أو أهل البنت يقبلون يعطون المواصفات قبل لا يعرفون من المتقدم أصلا؟ هي وأهلها اللي مسترخصينها قبل لا " الناس " يسترخصونها. لااا؟ وبعد يعطونهم صورتها على طبق من ذهب! شي عجيب غريب صراحة.. باقي اشوي ويتوسلون: " عاد تعالوا اخطبوا بنتنا.. يا رب تعجبكم " أو " عاد تعالوا اخطبوني.. يا رب أعجبكم ". شي مؤلم إن البنت توصل هالمرحلة.
وسالفة إن أهله يجون يشوفونها قبله.. العرف يتقبل الأمور بانتشارها، بل انتشار بعض الأمور هي اللي تخلق العرف أساسا.. برأيش لو البنات محافظين على كرامتهم ويرفضون هالموضوع.. في أم أو أي قريبة من الشاب بتتجرأ تتصل وتطلب هالشي؟ لو البنات رافضينه كان بيتحول لعيب حتى. المشكلة هالشي يصير والبنت تتزين وتتجمل عشان يشوفون حلاوتها، وهي تدري إن يمكن يروحون للصبي يقولون لا لا تتقدم ليها خشمها مو حليو، عيونها مو حليوة بطيخ بطيخ. ما في خطبة تتم بهالطريقة القصد منها معرفة شخصية البنت لو أخلاقها. الأمر واضح.. يبون يشوفون شكلها.

طبعا أني بنت وأعرف عن شنو قاعدة تتكلمين، وأعرف الضغط، بل الحرب النفسية أصح الا تواجهها البنت من كلام الناس. أكي أختش انخطبت عمرها 18 وصلتين "19" وما انخطبتين! اكي بنت خالتش قدش لو أصغر حاملة ولدها على ايدها وانتين بعدش. طبعا هذي الأقوال العنيفة. في أقوال أعنف مثل إن ينقال لش في كل مناسبة وموقف: الله يرفع حظش مثل ما رفع حظهم - حظ المتزوجات طبعا. ومن هالقبيل. أعرف إن البنت ممكن تتحسس وتشوف نفسها ثقل مثلا.. أعرف إن هالحرب مؤذية، ومهلكة، ومتعبة، ووو.. وممكن تشك البنت بنفسها ومدى قبولها للآخر. بس ليش؟ ليش البنات ضعيفات؟ ليش يقبلون ينذلون؟ ليش يقبلون بالإهانات في سبيل يكون نساء محظوظات متزوجات!

صح إن كل بنت تبي تتزوج، وإلا تقول غير هالكلام جدابة. كل بنت تبي يكون عدها سند، أمن، دفء، استقرار، حياة، أسرة.. بس ليش من أساس تقبل تكونها وي واحد ما جا بالطريقة الصحيحة؟

آسفة لأن ردي مو لطيف؛ انقهرت.. انقهرت من كلامش واجد. انقهرت لأنش تقولين الأنثى كائن ضعيف ومهزوز وهش.. وانقهرت أكثر.. لأنه واقع.

 

[Muhammad Aldumistani]

الموضوع مشوق .. برب برد لاحقاً

 

[أمواج]

@إيقاع
صح احنا غلط بعد سمحنا ليهم بهذا شي
تحت عنوان نستحي وتحت عنوان اهلنا اجبرونا وتحت عنوان ما نعرف نرد بشده عليهم وغير عنوان الاهل لين عرفوا رفضنا نعطي بالموضوع بيعطونا محاضرة طول بعرض من الكلام الي ذكرتينه وغير عنوان الاهل دايما يخافون بتهم يفوتها قطار الزواج وما يجي احد غير ليها .. تعددت المبررات والنتيجه وحدة سلبية

 

[المهندس عبدالله]

حسب رأيي المفروض الإثنين يشوفون بعض... ويتكلمون بحرية دون تدخل الأهل!

** ما بتكلم واجد لأن فهمي ضعيف لهل مواضيع.. بس رأي شخصي المرأة القوية تجدبني أكثر من الجميلة .. ما أعرف الموضوع حساس واجد.. وأحب أفهمه أكثر

 

[UOB-DESIGNER]

أكرر مثل الكلام : اوكي هو غلط ان أظهر شيء يجذب كلام الناس عليه .. بس بعد الغيبة تبقى غلط وممكن تجر لأغلاط أزيد خصوصا اذا كانت الشخصية معروفة
الاستنكار مو غلط .. الغيبة هي الي غلط ..لما يعتبر الكلام الي جلبته لنفسها غيبة معناه هذا الكلام غلط مهما كانت مبرراته

الغيبة ما اختلف وياش فيها...مسألة إن الغيبة غلط..هذا ما عليه اختلاف

***
انا الا اريد اوصله لش
إن الواحد من واجبه ان يجنب نفسه مثل دي المواضع سواء كانت غيبة او لا
الا تمشي حمرة خضرة زرقة سودة امام عشرات الشباب...وفي نفس الساعة سمعت انهم يتكلمون عن الأمر بينهم
لا تلوم الا نفسها


اذا كان ضميرها يؤنبها فعلاً في الحالة دي..ما راح تقدم على هذا العمل ..

انا ادري ان الا قاعدة اسويه غلط وضميري يؤنبني ومع ذلك بمشي قدام الشباب حمرة خضرة زرقة
دي تسخر من نفسها
لو كان فعلاً ضميرها يؤنبها فعلا...حزتها راح تتوارى عن الأنظار ..او ان ترجع البيت وتزيل الحمرة الخضرة الزرقة


مسألة حرية شخصية ..ماليكم حق تتكلمون عليي
او ان بخلي روحي في موضع الغيبة وما اريد اخلي احد يغتابني
وامام الملأ

وفي نفس الوقت ابغي واحد

يافتر على كرسي..كرسي ...طالب طالب...جماعة جماعة في الكلية ...عشان يقول ليهم سكتوا لا تتكلمون
هذا اشبه بالنفخ في الكيس المثقوب


@المهندس عبدالله ..متى ينفع اقول لأصدقائي ان سكتوا لا تتكلمون..اذا لقينا الطرف المقابل يسوي العمل بروحه ..واحنا بالصدفة لقينها
في الحالة ممكن اقول ليهم استروا عليه..لأا تخبرون احد

 

[المهندس عبدالله]

@المهندس عبدالله ..متى ينفع اقول لأصدقائي ان سكتوا لا تتكلمون..اذا لقينا الطرف المقابل يسوي العمل بروحه ..واحنا بالصدفة لقينها
في الحالة ممكن اقول ليهم استروا عليه..لأا تخبرون احد

مسامحة بس هل أشياء تضايقني على أي حال!

 

[أمواج]

حسب رأيي المفروض الإثنين يشوفون بعض... ويتكلمون بحرية دون تدخل الأهل!

** ما بتكلم واجد لأن فهمي ضعيف لهل مواضيع.. بس رأي شخصي المرأة القوية تجدبني أكثر من الجميلة .. ما أعرف الموضوع حساس واجد.. وأحب أفهمه أكثر

هذا الي يصير بالمقابلة لكن البعض يحطون مقدمات تعني ان راي الأهل أولا بعدين راي الصبي .. أو راي الصبي اولا بعدين راي البنية .. مثل المواقف الي ذكرتها فوق

عن نفسي أحس الي يسمح لأهله يتدخلون باختياراته بهالموضوع شخصيته ضعيفة و ما عنده استقلالية بقراراته وعنده قابلية يسمح لأهله يتدخلون بحياته بأي لحظة مستقبلا .. ومثل ما مشهور بينا البنات أهله ممشينه

طبعا الاهل ليهم دور ما يستثنى .. واحترامهم عالعين والراس .. وطبيعي هو ما بيخطب لروحه بدون اهله ومافيه مانع يبدون رايهم او يناقشونه .. لكن مو بالدرجة الي هم يقررون عنه واذا رفضوا رفض واذا قبلوا قبل .. أو ان لازم تعجبهم اول

طبعا هالكلام ينطبق على البنية بعد .. يمكن وضع البنية شوي يختلف من ناحيه كون إذن ولي امرها واجب .. بس بعد المفروض القرار قرارها باقتناعها سواء ترفض او تقبل

 

[c o d e]

أسوء فترة تعيشها البنت هي الفترة الي يتقدمون لخطبتها فيها
فوق ان الموضوع مصيري .. بعد للأسف الناس صارت ما تتقيد بأي آداب للخطبة

- يتصلون ياخذون معلومات البنت ومواصفاتها كلها لكن ما فيه حق للبنت تاخذ أي معلومة عن الصبي قبل لا يقبل أول بمواصفاتها ، مو يمكن من اساس ولدكم ما يعجبها، وهذا حق للاثنين

- الصنف الثاني يعطون مواصفات الصبي لكن يتحفظون على اسمه بحجة عن لا يسألون عنه وينعرف انه اتقدم لبنت وما صار نصيب، هذي انانية ليش عجل تاخذون اسم البنية الكامل ؟ من حقكم تسألون عنها ويعرفون الناس متقدمين ليها بس مو حقها يسألون عنه الا عقب موافقة حضرته

- يتصلون ويجمعون مواصفات بنات عدة و يخيرون الصبي بينهم وكأن البنت سلعة يختارها وبالاخير عادي انه يرفض لمجرد اسمها ما دخل مخه ، لا تعليق

- يطلبون يشوفون البنت قبل لا يشوفها ولدهم عشان اذا عجبتهم بعدين يخلون ولدهم يقابلها بحجة ان ولدهم عنده شروط معينة وفي المقابلة بيستحي، يحسسوني بجي الصبي المقابلة بروحه مو هم اوردي وياه بيشوفونها ، ترى هو الي بيتزوج مو انتون

- يدخل الصبي مقابلة وما تعجبه البنية من ناحية مواصفات شكلية ويردون أهله ما فيه نصيب الصبي يبي كذا كذا وبتكم مو جدي، ما يحتاج تذكرون للبنية إن هذا السبب

- أهل الصبي يطلبون صورة البنية وما تعجبهم ويصكون الموضوع بدون أي تعليق كأنهم شايفين صورة بمجلة وطوفوا الصفحة

- يتقدمون للبنت وتنتظر اتصالهم اوكي او لا بس لكن ما فيه رد، عادي ترى تقولون ما فيه نصيب بس مو عادي بنات الناس يشغلون بالهم ينتظرون يمكن اسبوع وبالاخير ما فيه رد

- يدخل الصبي عدة مقابلات في مثل الفترة وبالاخير يختار فيه وحدة منهم عجبته او لا، ترى البنية انسان مو سيارة

هالتصرفات عايتنها و سمعت عنها و يمكن فيه غيرها بعد
اشوف هالأمور عيب تصير وأشوف انها من صور التقليل من قيمة بنات الناس


أبغي أفهم يعني الشباب يعرفون بهالتصرفات و يرضون بلي يصير ؟! هل فيه مبرر ؟
الأمر طبيعي أو اني حساسة زيادة عن اللزوم ؟

البنات، هل واجهتون مواقف حولكم مشابهة؟
شنو أفضل تصرف لهالفئات ؟

أول نوعين ، مثل اللي يتصلون البدالة .. ياخذ معلومات ولا يقبل أنه يعطي . خوفه أحد اﻷسباب اللي تخليه متكتم .

اللي يتفق مع أكثر من عائلة وعقب يقعد يختار بينهم ، راح يجيب لنفسه نتيجة أفعاله . عاجلا أو آجلا .

البنت وأهلها "يفترض" بأنهم مو مجبورين بتقديم "القرابين" أو" السمع والطاعة " لكل طلبات وأسئلة الطرف اﻵخر بشكل أعمى . يعني تخبرهم بقصة حياة بنتك و تعطيهم صورتها ووو عشان يقبلونها .

 

[غريبة الدار]

- يتصلون ويجمعون مواصفات بنات عدة و يخيرون الصبي بينهم وكأن البنت سلعة يختارها وبالاخير عادي انه يرفض لمجرد اسمها ما دخل مخه ، لا تعليق
هذا تفكيره سطحي ويهمه المظهر ويترك الجوهر وتحمد ربها البنية اللي تعرف هالشي قبل لا ترتبط فيه

- يدخل الصبي مقابلة وما تعجبه البنية من ناحية مواصفات شكلية ويردون أهله ما فيه نصيب الصبي يبي كذا كذا وبتكم مو جدي، ما يحتاج تذكرون للبنية إن هذا السبب
اعتقد إنه هالسالفة ممكن اتصير واجد بس رغم إنه الشي والسبب يضايق ويمكن بعد يجرح بس بعد من حقه يرفض ل هالسبب نفس ما البنيه عادي يجيها واحد زين بس في المقابلة اتشوفه وما يعجبها شكله أو خل انقول ما ترتاح ليه أو ما تتقبل شكله وعشان لا ينحطون في هالموقف من المفترض الشاب حاط في باله وش يبي ف قبل المقابلة إذا بيتصلون لأهل البنت يخبرونهم ولدنا يبي بينه جدي وجدي -الموصفات - وإذا موجوده ف اهلا وسهلا وإذا لا كل واحد في طريق ولا سؤال ولا روحه وجاية خاصة إذا كان المكان أو المنطقة بعيدة عن لايحرجون روحهم وي البنية وأهله

- يتقدمون للبنت وتنتظر اتصالهم اوكي او لا بس لكن ما فيه رد، عادي ترى تقولون ما فيه نصيب بس مو عادي بنات الناس يشغلون بالهم ينتظرون يمكن اسبوع وبالاخير ما فيه رد
المشكلة مو بس على البنية أهله( الأم والأب ) اللي يمكن يشغلون بالهم حتى يمكن أكثر منها

- يدخل الصبي عدة مقابلات في مثل الفترة وبالاخير يختار فيه وحدة منهم عجبته او لا، ترى البنية انسان مو سيارة
هالسالفة سمعت عنها واجد أقصد قرأت عنها
بس ما أعتقد البنية أو أهله ممكن يعرفون بهالشي لأن الصبي وأهله ما اعتقد يروحون ويقولون ولدنا راح لبنية غير بتكم هذا الشي يصير خلف الكواليس إلا إذا مثلا صار سؤال عن الصبي أو مثلا اتقدم لبنات يصيرون لبعض أو يمكن جيران اصلا إذا سوا هالحركة الشي مو لصالحه ممكن يصير سؤال عنه وتتكرار سالفة السؤال /فالناس بيحطون في بالهم إنه اتقدم لبنات واجد ودخل مقابلات واجد فالشي يثير الشكوك ليش كل هالسؤال وصار ليه فتره وهم يسألون وبعده للحين ما خطب فيحطون عليه X البحرين صغيرة وما في شي ينخش خصوصا فهي المواضيع

مرده بيطيحه على وحده من طينته وخل أهله والتفلسف ماله ينفعونه ونفس ما يسوي لبنات الناس ويجرحهم بيجرحونه /الدنيا دواره

 

[UOB-DESIGNER]

مسامحة بس هل أشياء تضايقني على أي حال!

انا ايضاً الغيبة تضايقني...لكن الا تمشي امام الملأ حمرة خضرة...دي...مرفوع عنها التعاطف

 

[أمواج]

اعتقد إنه هالسالفة ممكن اتصير واجد بس رغم إنه الشي والسبب يضايق ويمكن بعد يجرح بس بعد من حقه يرفض ل هالسبب نفس ما البنيه عادي يجيها واحد زين بس في المقابلة اتشوفه وما يعجبها شكله أو خل انقول ما ترتاح ليه أو ما تتقبل شكله وعشان لا ينحطون في هالموقف

ما اعارض رفضه هو وكيفه .. هذا حقه ياخذ الي يشوفها تناسبه .. بس ما يحتاج يردون ويذكرون السبب شكل البنية ما عجبه
لو البنية رفضت لان شكله ما عجبها مثل الشي ما يجون لأهل الصبي يقولون ليهم شكل الصبي ما عجبها .. ما فيه نصيب والله يوفقه وخلاص

 

[إيقاع]

@إيقاع
صح احنا غلط بعد سمحنا ليهم بهذا شي
تحت عنوان نستحي وتحت عنوان اهلنا اجبرونا وتحت عنوان ما نعرف نرد بشده عليهم وغير عنوان الاهل لين عرفوا رفضنا نعطي بالموضوع بيعطونا محاضرة طول بعرض من الكلام الي ذكرتينه وغير عنوان الاهل دايما يخافون بتهم يفوتها قطار الزواج وما يجي احد غير ليها .. تعددت المبررات والنتيجه وحدة سلبية

من أمس رديت على هذا الكلام، وسيفت الرد.. بس لحد اليوم ماقدرت أنشره، لأن ردا على هذه التبريرات احتجت أكتب أمور شخصية، من جهة ما أحب أعرضها ومن جهة قد ما تتوافق مع الجميع حسب اختلاف الأفكار الشخصية وأفكار الأهل والبيئة. ومع ذلك مفاد ردي.. إن هذه الأقوال ما هي إلا حجج تختلقها البنت خوفا وضعفا.. للأسف.

من المفترض الشاب حاط في باله وش يبي ف قبل المقابلة إذا بيتصلون لأهل البنت يخبرونهم ولدنا يبي بينه جدي وجدي -الموصفات - وإذا موجوده ف اهلا وسهلا وإذا لا كل واحد في طريق ولا سؤال ولا روحه وجاية خاصة إذا كان المكان أو المنطقة بعيدة عن لايحرجون روحهم وي البنية وأهله

غلط.. قبل لا يتصلون لأهل البنت خل يعرفون معلومات عنها من طرف آخر، جيران، أصدقاء، أو حتى أقارب من خالات وعمات وغيرهم.. ولكن يتم السؤال قبل ما يصير طلب تقدم بشكل رسمي، ويُفضل أن يكون بطرق غير مباشرة دون الإشارة لموضوع الخطبة لتجنب إحراج الطرفين.. الحركة كلش مو لطيفة الا ذكرتينها. بالنسبة لي مستحيل أتقبلها.

 

[أمواج]

انا ايضاً الغيبة تضايقني...لكن الا تمشي امام الملأ حمرة خضرة...دي...مرفوع عنها التعاطف

المسألة مو تعاطف
والمسألة ما فيها استثناء ان انا انزعج من هذي الغيبة وما انزعج من ذيك
تتكلمون عن ذنوب الآخرين شنو هدفكم؟ مجرد ترويح عن النفس بمجالسكم ؟!!
محد منزه عن الغلط ومحد منزه انه أغلاطه تطلع للناس ومحد منزه عن الجهل